Nivetha Pethuraj | ‘ఆదర్శ కుటుంబం’ కథ మొత్తం తెలియదన్న నివేదా పేతురాజ్.. ట్రోలింగ్ ఎదుర్కొంటున్న బ్యూటీ

Nivetha Pethuraj | విక్టరీ వెంకటేశ్ ప్రధాన పాత్రలో నటిస్తున్న ‘ఆదర్శ కుటుంబం’ సినిమా విడుదలకు సిద్ధమవుతోంది. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ కుటుంబ కథాచిత్రంపై ప్రేక్షకుల్లో ఆసక్తి నెలకొంది. ఈ నేపథ్యంలో నిర్వహించిన ప్రీ రిలీజ్ వేడుక సందడిగా సాగింది. అయితే, ఈ కార్యక్రమంలో నటి నివేదా పేతురాజ్ చేసిన వ్యాఖ్యలు ఇప్పుడు సామాజిక మాధ్యమాల్లో చర్చనీయాంశంగా మారాయి.‘

Nivetha Pethuraj | విక్టరీ వెంకటేశ్ ప్రధాన పాత్రలో నటిస్తున్న ‘ఆదర్శ కుటుంబం’ సినిమా విడుదలకు సిద్ధమవుతోంది. త్రివిక్రమ్ శ్రీనివాస్ దర్శకత్వంలో తెరకెక్కుతున్న ఈ కుటుంబ కథాచిత్రంపై ప్రేక్షకుల్లో ఆసక్తి నెలకొంది. ఈ నేపథ్యంలో నిర్వహించిన ప్రీ రిలీజ్ వేడుక సందడిగా సాగింది. అయితే, ఈ కార్యక్రమంలో నటి నివేదా పేతురాజ్ చేసిన వ్యాఖ్యలు ఇప్పుడు సామాజిక మాధ్యమాల్లో చర్చనీయాంశంగా మారాయి.‘ఆదర్శ కుటుంబం’ ప్రీ రిలీజ్ వేడుకలో నివేదా పేతురాజ్ మాట్లాడుతూ.. తనకు సినిమా పూర్తి కథ తెలియదని, అందరిలాగే తాను కూడా మొదటి రోజు థియేటర్‌కు వెళ్లి సినిమా చూస్తానని చెప్పింది. దీంతో ఆమె కామెంట్స్ వైరల్‌గా మారాయి. సినిమాలో నటించినప్పటికీ కథ తెలియదని చెప్పడం ఏమిటంటూ కొందరు నెటిజన్లు విమ‌ర్శిస్తున్నారు.

అయితే, నివేదా వ్యాఖ్యల వెనుక అసలు ఉద్దేశం వేరే ఉందని తెలుస్తోంది. తన పాత్రకు సంబంధించిన భాగం మాత్రమే తెలుసని, సినిమా మొత్తం కథ తనకు తెలియదని ఆమె చెప్పాలనుకున్నట్లు తెలుస్తుంది. ఆమె వ్యాఖ్యలను కొందరు పూర్తిగా అర్థం చేసుకోకుండా విమర్శలు చేయడం చర్చకు దారితీసింది. సినిమా నిర్మాణ సమయంలో ప్రతి నటుడికి పూర్తి కథను వివరించడం తప్పనిసరి కాదు. కొన్ని సందర్భాల్లో నటీనటులకు తమ పాత్రకు సంబంధించిన సన్నివేశాలు, సంభాషణలు మాత్రమే అందిస్తుంటారు. ముఖ్యంగా కథలో కీలక మలుపులు, రహస్యాలు ఉన్నప్పుడు పూర్తి వివరాలను పరిమితంగా పంచుకునే అవకాశం ఉంటుంది. అందువల్ల ఒక నటికి సినిమా మొత్తం కథ తెలియదని చెప్పినంత మాత్రాన, ఆమె తన పాత్ర గురించి తెలుసుకోకుండా నటించిందని భావించడం సరికాదు. నివేదా వ్యాఖ్యలను కూడా ఈ కోణంలోనే చూడాల్సి ఉంటుంది.

‘ఆదర్శ కుటుంబం’ చిత్రంలో వెంకటేశ్ కథానాయకుడిగా నటిస్తుండగా, శ్రీనిధి శెట్టి ఆయన భార్య పాత్రలో కనిపించనున్నారు. నివేతా పేతురాజ్‌తో పాటు రాజా ప్రజ్వల్, యువినా పార్తవి, సత్య, రావు రమేశ్ తదితరులు కీలక పాత్రలు పోషిస్తున్నారు. హారికా అండ్ హాసిని క్రియేషన్స్ పతాకంపై రూపొందుతున్న ఈ చిత్రానికి తమన్ సంగీతం అందిస్తున్నారు. త్రివిక్రమ్ దర్శకత్వంలో వెంకటేశ్ నటిస్తుండటంతో ఈ సినిమాపై అభిమానుల్లో అంచనాలు పెరిగాయి.