రుక్కు రుక్కు రుక్మిణి..

నితిన్‌ కథానాయకుడిగా నటిస్తున్న తాజా చిత్రం ‘అలియాస్‌ రుక్మిణి’ నిర్మాణ దశ నుంచే ప్రేక్షకుల్లో ఆసక్తినిరేకెత్తిస్తున్నది.

నితిన్‌ కథానాయకుడిగా నటిస్తున్న తాజా చిత్రం ‘అలియాస్‌ రుక్మిణి’ నిర్మాణ దశ నుంచే ప్రేక్షకుల్లో ఆసక్తినిరేకెత్తిస్తున్నది. ఇటీవల విడుదల చేసిన ప్రచార చిత్రాలకు కూడా మంచి స్పందన లభించింది. ఇందులో కృష్ణ అనే రచయిత పాత్రలో కనిపించనున్నారు నితిన్‌. తన భార్య రుక్మిణి పేరుతో ఆయన కథల్ని ఎందుకు రాస్తుంటారు? దానివెనకున్న కారణాలేమిటి? అనే ఆసక్తికరమైన అంశాలతో ఈ చిత్రాన్ని తెరకెక్కిస్తున్నారు. ‘దండోరా’ ఫేమ్‌ మురళీకాంత్‌ దేవసోత్‌ దర్శకత్వం వహిస్తున్న ఈ చిత్రాన్ని నాని సమర్పణలో ఆయన సోదరి దీప్తి గంటా నిర్మిస్తున్నారు.

డిసెంబర్‌ 4న ప్రేక్షకుల ముందుకురానుంది. ఆఫియా సయ్యద్‌ కథానాయికగా నటిస్తున్నది. ఈ చిత్రంలోని ‘రుక్కు రుక్కు రుక్మిణి’ అనే తొలి గీతాన్ని ఈ నెల 27న విడుదల చేయబోతున్నారు. ఈ సందర్భంగా శనివారం అనౌన్స్‌మెంట్‌ పోస్టర్‌ను విడుదల చేశారు. ఫీల్‌గుడ్‌ ఫ్యామిలీ ఎంటర్‌టైనర్‌ ఇదని మేకర్స్‌ తెలిపారు. ఈ చిత్రానికి సంగీతం: విజయ్‌ బుల్గానిన్‌, రచన-దర్శకత్వం: మురళీకాంత్‌ దేవసోత్‌.