NBK 109 Movie | బాలకృష్ణ సినిమాలో ఆ స్టార్ హీరోయిన్ ఐటమ్ సాంగ్.!

NBK 109 Movie | 2023లో వరుసగా వీరసింహారెడ్డి, భగవంత్‌ కేసరి సినిమాలతో బ్లాక్ బస్టర్ హిట్లు అందుకున్నాడు టాలీవుడ్ సీనియర్ హీరో నంద‌మూరి బాలకృష్ణ. ఇక ఈ సినిమాలు ఇచ్చిన జోష్‌తో మ‌రో బ్ల‌క్ బ‌స్ట‌ర్ కాంబోను లైన్‌లో పెట్టాడు. బాలకృష్ణ తాజాగా న‌టిస్తున్న క్రేజీ ప్రాజెక్ట్ NBK 109.

NBK 109 Movie | 2023లో వరుసగా వీరసింహారెడ్డి, భగవంత్‌ కేసరి సినిమాలతో బ్లాక్ బస్టర్ హిట్లు అందుకున్నాడు టాలీవుడ్ సీనియర్ హీరో నంద‌మూరి బాలకృష్ణ. ఇక ఈ సినిమాలు ఇచ్చిన జోష్‌తో మ‌రో బ్ల‌క్ బ‌స్ట‌ర్ కాంబోను లైన్‌లో పెట్టాడు. బాలకృష్ణ తాజాగా న‌టిస్తున్న క్రేజీ ప్రాజెక్ట్ NBK 109. వాల్తేరు వీరయ్యతో ఈ ఏడాది బ్లాక్ బస్టర్ అందుకున్న బాబీ ఈ సినిమాకు ద‌ర్శ‌క‌త్వం వ‌హిస్తున్నాడు. తాజాగా ఈ సినిమా షూటింగ్ ప్రారంభమైన విష‌యం తెలిసిందే. ఇదిలా ఉంటే.. తాజాగా ఈ సినిమా నుంచి ఒక సాలిడ్ న్యూస్ బ‌య‌ట‌కు వ‌చ్చింది.

బాబీ తీసే సినిమాల‌లో ఒక ప్ర‌త్యేక‌ ఐటమ్ సాంగ్​ ఉంటుందన్న విష‌యం తెలిసిందే. బాబీ గతంలో ఎన్టీఆర్​తో జై లవకుశ సినిమా చేయ‌గా.. ఈ మూవీలో స్వింగ్ జర ఐటమ్ సాంగ్ ఒక రేంజ్‌లో బ్లాక్ బ‌స్ట‌ర్ అయ్యింది. దీని త‌ర్వాత రీసెంట్‌గా వ‌చ్చిన వాల్తేరు వీరయ్య సినిమాలో బాస్ పార్టీ సాంగ్ కూడా సూపర్ హిట్‌గా నిలిచింది. అయితే తాజాగా వ‌స్తున్న ఎన్​బీకే 109 సినిమాలో కూడా బాబీ ఒక ఐటమ్ సాంగ్​ ప్లాన్ చేస్తున్న‌ట్లు తెలుస్తుంది. ఇక ఈ సాంగ్ కోసం మిల్కీ బ్యూటీ తమన్నాను సంప్ర‌దించిన‌ట్లు టాక్. దీనిపై తమన్నా కూడా ఓకే చెప్పిన‌ట్లు స‌మాచారం. సితార బ్యానర్​పై సూర్యదేవర నాగవంశీ, ఎస్‌.సాయి సౌజన్య సంయుక్తంగా ఈ చిత్రాన్ని నిర్మిస్తున్నారు.

మ‌రోవైపు ఈ సినిమాలో ప్రముఖ మల‌యాళ‌ నటుడు దుల్కర్ సల్మాన్ ఓ కీలక పాత్రలో నటిస్తున్నట్లు సోష‌ల్ మీడియాలో వార్తలు వస్తున్నాయి. అయితే దీనిపై మేక‌ర్స్ అధికారిక ప్రకటన ఇవ్వాల్సి ఉంది. అయితే న‌ట సింహం బాలకృష్ణతో దుల్కర్ సల్మాన్ కలిసి వెండితెరపై కనిపిస్తే ఎలా ఉంటుందో అని ప్రేక్షకులు ఆస‌క్తిగా ఎదురుచూస్తున్నారు.