Nayeem Diaries Makers | న‌యీం డైరీస్ ద‌ర్శ‌క‌నిర్మాత‌ల క్ష‌మాప‌ణ‌లు

ఇవాళ విడుద‌లైన న‌యీం డైరీస్ (Nayeem Diaries) చిత్రంలో బెల్లి ల‌లిత పాత్ర‌ను అస‌భ్యంగా చిత్రీక‌రించార‌ని ఆమె కుమారుడు హైకోర్టులో పిటిష‌న్ దాఖ‌లు చేశాడు. ఈ నేప‌థ్యంలో ద‌ర్శ‌క‌నిర్మాత‌లు దిగొచ్చారు.

గ్యాంగ్ స్టర్ న‌యీం (Gangster Nayeem) జీవిత చ‌రిత్ర ఆధారంగా తెర‌కెక్కిన‌ చిత్రం న‌యీం డైరీస్ (Nayeem Diaries). ఇవాళ విడుద‌లైన ఈ చిత్రంలో బెల్లి ల‌లిత పాత్ర‌ను అస‌భ్యంగా చిత్రీక‌రించార‌ని ఆమె కుమారుడు హైకోర్టులో పిటిష‌న్ దాఖ‌లు చేశాడు. దీంతో సెన్సార్ బోర్డు, సినిమా ద‌ర్శ‌కుడు, నిర్మాత‌ల‌కు హైకోర్టు నోటీసులు జారీచేసింది. సోమ‌వారంలోగా వివ‌ర‌ణ ఇవ్వాల‌ని నోటీసుల్లో పేర్కొంది. ఈ నేప‌థ్యంలో ద‌ర్శ‌క‌నిర్మాత‌లు దిగొచ్చారు. ఈ చిత్రంలోని అభ్యంత‌రక‌ర స‌న్నివేశాలు తొల‌గిస్తామ‌ని స్ప‌ష్టం చేశారు.

అంతేకాదు బెల్లి ల‌లిత కుటుంబ‌స‌భ్యుల‌కు క్ష‌మాప‌ణలు చెప్పారు. మ‌నోభావాలు దెబ్బ‌తిన్నందుకు క్ష‌మాప‌ణ‌లు చెబుతున్న‌ట్టు ద‌ర్శ‌క‌నిర్మాత‌లు ప్ర‌క‌టించారు. న‌యీం డైరీస్ చిత్రంలో వ‌శిష్ట ఎన్ సింహా (Vasishta N Simha) లీడ్ రోల్ పోషించ‌గా..య‌జ్ఞా శెట్టి, సంయుక్తా హోర్నాడ్ కీ రోల్స్ పోషించారు. బిగ్ బాస్ ఫేం దివి వైద్య కీ రోల్ చేస్తుంది. దాము బాలాజీ (Daamu Balaji) డైరెక్ట్ చేయ‌గా..సీఏ వ‌ర‌ద రాజు నిర్మించారు.

ఈ సినిమాలోని సీన్ల‌పై అభ్యంత‌రం వ్య‌క్తం చేస్తూ ఇవాళ‌ ఆర్టీసీ క్రాస్ రోడ్‌లోని సంధ్య థియేట‌ర్ వ‌ద్ద ప‌లువురు ఉద్య‌మ‌కారులు ఆందోళ‌న నిర్వ‌హించిన విష‌యం తెలిసిందే. మూవీ ఫ్లెక్సీ, పోస్ట‌ర్ల‌ను చించి, ద‌హ‌నం కూడా చేశారు. ఈ నేప‌థ్యంలో మేక‌ర్స్ క్ష‌మాప‌ణ‌లు చెప్ప‌డంతో వివాదానికి దాదాపు తెర‌ప‌డిన‌ట్లైంది.

న‌యీం డైరీస్ ట్రైల‌ర్ పై ఓ లుక్కేయండి మ‌రి..

ఇవి కూడా చదవండి..

Bheemla Nayak | ‘భీమ్లానాయక్’లో పాటపాడిన దుర్గవ్వకు సన్మానం

Sara Ali Khan Heartfelt Note | సారా అలీఖాన్ భావోద్వేగ‌ పోస్ట్..కార‌ణ‌మిదే

Bheemla Nayak Legendary actor | భీమ్లా నాయ‌క్‌లో లెజెండ‌రీ న‌టుడు..ఎవ‌రో తెలుసా..?