ప్యారడైజ్‌ ప్రపంచంలో లీనమవుతారు

స్వయంకృషితో ఒక్కో మెట్టు పేర్చుకుంటూ సినీ పరిశ్రమలో హీరోగా ఈ స్థాయికి చేరుకున్నారు అగ్ర కథానాయకుడు నాని. తాను ఎదుగుతూ, ఎందరో దర్శకులను పరిశ్రమకు పరిచయం చేస్తూ ఓ పరిశ్రమగా అవతరించారాయన. దసరా, హాయ్‌ నాన్న, సరిపోదా శనివారం, హిట్‌ 3.. ఇలా వరుస విజయాలతో దూసుకుపోతున్న నాని.. అదే ఉత్సాహంతో చేసిన మరో మాస్‌ యాక్షన్‌ ఎంటర్‌టైనర్‌ ‘ది ప్యారడైజ్‌'.

స్వయంకృషితో ఒక్కో మెట్టు పేర్చుకుంటూ సినీ పరిశ్రమలో హీరోగా ఈ స్థాయికి చేరుకున్నారు అగ్ర కథానాయకుడు నాని. తాను ఎదుగుతూ, ఎందరో దర్శకులను పరిశ్రమకు పరిచయం చేస్తూ ఓ పరిశ్రమగా అవతరించారాయన. దసరా, హాయ్‌ నాన్న, సరిపోదా శనివారం, హిట్‌ 3.. ఇలా వరుస విజయాలతో దూసుకుపోతున్న నాని.. అదే ఉత్సాహంతో చేసిన మరో మాస్‌ యాక్షన్‌ ఎంటర్‌టైనర్‌ ‘ది ప్యారడైజ్‌’.

నానికి బ్లాక్‌బస్టర్‌ ‘దసరా’ను అందించిన శ్రీకాంత్‌ ఓదెల దర్శకత్వంలో సుధాకర్‌ చెరుకూరి నిర్మించిన ఈ పాన్‌ ఇండియా చిత్రం ఈ నెల 24న ప్రపంచవ్యాప్తంగా విడుదల కానున్నది. ఈ సందర్భంగా ఆదివారం హైదరాబాద్‌లో విలేకరులతో ముచ్చటించారు నాని.

• నా తొలి సినిమా ‘అష్టా చమ్మా’ సెప్టెంబర్‌లోనే విడుదలైంది. నా కెరీర్‌ని మలుపు తిప్పిన ‘భలే భలే మగాడివోయ్‌’ కూడా సెప్టెంబర్‌లోనే విడుదలైంది. అందుకే ఈ నెల నాకు ప్రత్యేకం. ఇప్పుడు ‘ది ప్యారడైజ్‌’ విషయంలోనూ ఈ సెంటిమెంట్‌ వర్కవుట్‌ అవుతుందని నమ్ముతున్నా. ఇక ఇందులో నేను పొషించిన ‘జడల్‌’ పాత్ర విషయానికొస్తే.. కథలో నుంచి వచ్చిన లుక్‌ ఇది. ఇప్పటివరకూ ఎక్కువగా బోయ్‌ నెక్ట్స్‌ డోర్‌ తరహా పాత్రలే చేసిన నాకు, ఇది పూర్తిగా వినూత్న ప్రయత్నం. అదేంటి అనేది రేపు మీరు తెరపై చూస్తారు. ప్రారంభం నుంచే ఈ పాత్రలో ఓ మ్యాడ్‌నెస్‌ ఉంటుంది. తెలుగు తెరపై ఇలాంటి పాత్ర ఇప్పటివరకూ రాలేదు.
• ‘ది ప్యారడైజ్‌’ అనేది ఓ ప్లేస్‌లో సవారి అనే ఒక ట్రైబ్‌కు సంబంధించిన కథ. గుర్తింపు కోసం చేసిన తిరుగుబాటు. 1984-85 మధ్యకాలంలో ఈ కథ నడుస్తుంది. ‘సలార్‌’, ‘కేజీఎఫ్‌’ తరహాలో ఓ కొత్త ప్రపంచాన్ని ఆవిష్కరించే సినిమా ఇది. థియేటర్‌లో ప్రేక్షకులు ప్యారడైజ్‌ ప్రపంచంలో లీనమవుతారు. దర్శకుడు శ్రీకాంత్‌ ఓదెల ఒక ఆడియన్‌గా మాస్‌ కమర్షియల్‌ ఎలిమెంట్స్‌ని ఎంజాయ్‌ చేస్తాడు. తాను తీసేది కూడా ఆడియన్‌గా తనకు నచ్చితేనే ఓకే చేస్తాడు. మాస్‌ని దైవంగా భావించే దర్శకుడు తను. శ్రీకాంత్‌ నరనరాల్లో మాస్‌ ఉంది. అది రేపు థియేటర్లో చూస్తారు.
• తల్లీకొడుకుల భావోద్వేగాలు ఈ కథకు ప్రధాన బలం. ఇందులో యాక్షన్‌ ఉంటుంది. రొమాన్స్‌ ఉంటుంది. కమర్షియల్‌ ఎలిమెంట్స్‌ బోలెడన్ని ఉంటాయి. ఎన్ని ఉన్నా.. ప్రేక్షకులు థియేటర్‌ నుంచి ఇంటికి తీసుకెళ్లేది మాత్రం ఆ తల్లీకొడుకుల ఎమోషన్నే. కుటుంబ సమేతంగా చూడదగ్గ సినిమాఇది. ఇక అనిరుథ్‌ నేపథ్య సంగీతం ఈ సినిమాను నెక్ట్స్‌ లెవల్లో నిలబెట్టింది. తను వందకు రెండింతలు ఇచ్చాడు . శ్రీకాంత్‌, అనిరుథ్‌లది కిల్లింగ్‌ కాంబినేషన్‌. వాళ్లవల్లే ‘ఆయా షేర్‌’, ‘ఏషు నాగుల కట్ట’ లాంటి పాటలు సాధ్యమయ్యాయి. రొటీన్‌ యాక్షన్‌ సినిమా చేయడం నాకిష్టం ఉండదు. కథలోనే యాక్షన్‌ ఉండాలి. ‘ప్యారడైజ్‌’ కథలో కావాల్సినంత యాక్షన్‌ ఉంది. ప్రతీ యాక్షన్‌ సీక్వెన్సూ ఎమోషన్‌తో మొదలవుతుంది. ప్రతి దెబ్బ వెనుకా ఒక ఎమోషన్‌ ఉంటుంది.
• ఇందులో మోహన్‌బాబుగారు చేసిన పాత్ర బ్రూటల్‌గా, నెగెటివ్‌గా ఉంటుంది. కథ, తన పాత్ర తీరుతెన్నులు విని ఆయన ఎక్సైట్‌మెంట్‌ ఫీల్‌ అయ్యారు. అసలు ఆయన ఒప్పుకుంటారో లేదో అని మేమంతా అనుకున్నాం. కానీ ఆనందంగా ఈ పాత్ర చేసేందుకు ఒప్పుకున్నారు. అసలు ఈ సినిమా పెద్ద హిట్‌ అవుతుందని నమ్మిన తొలివ్యక్తి మోహన్‌బాబుగారే. ఇందులో విలన్‌గా ఆయన చేసే పనులు షాక్‌కి గురిచేస్తాయి. ఇంకా హీరోయిన్‌ కయాదు లోహర్‌, రాఘవ్‌ పాత్రలు కూడా
  సాలిడ్‌గా ఉంటాయి.