Anvitha Group | అన్విత గ్రూప్ బ్రాండ్ అంబాసిడర్‌గా ‘నటసింహం బాలకృష్ణ’.. బ్రాండ్ ఫిల్మ్స్‌ను ఆవిష్కరించిన సీఎండీ అచ్యుతరావు

Nandamuri Balakrishna | ప్రముఖ రియల్ ఎస్టేట్ సంస్థ అన్విత గ్రూప్ సరికొత్త ప్రస్థానానికి శ్రీకారం చుట్టింది. సంస్థ బ్రాండ్ అంబాసిడర్‌గా గ్లోబల్ లయన్, పద్మభూషణ్, హిందూపురం ఎమ్మెల్యే నందమూరి బాలకృష్ణ వ్యవహరించనున్నట్లు అన్విత గ్రూప్ చైర్మన్ & మేనేజింగ్ డైరెక్టర్ అచ్యుతరావు బొప్పన అధికారికంగా ప్రకటించారు.

,Anvitha Group BrandAmbassador | ప్రముఖ రియల్ ఎస్టేట్ సంస్థ అన్విత గ్రూప్ సరికొత్త ప్రస్థానానికి శ్రీకారం చుట్టింది. సంస్థ బ్రాండ్ అంబాసిడర్‌గా గ్లోబల్ లయన్, పద్మభూషణ్, హిందూపురం ఎమ్మెల్యే నందమూరి బాలకృష్ణ వ్యవహరించనున్నట్లు అన్విత గ్రూప్ చైర్మన్ & మేనేజింగ్ డైరెక్టర్ అచ్యుతరావు బొప్పన అధికారికంగా ప్రకటించారు. శుక్రవారం హైదరాబాద్‌లో జరిగిన ఘనమైన వేడుకలో బాలయ్య నటించిన ప్రత్యేక ‘బ్రాండ్ ఫిల్మ్స్‌’ను ఆయన ఆవిష్కరించారు.

ఈ సందర్భంగా అచ్యుతరావు బొప్పన మాట్లాడుతూ.. “ఐదు దశాబ్దాల సినీ ప్రస్థానం, బసవతారకం క్యాన్సర్ ఆస్పత్రి ద్వారా బాలకృష్ణ గారు అందిస్తున్న సేవలు అమోఘం. క్రమశిక్షణ, అంకితభావం, ఇచ్చిన మాటపై నిలబడే ఆయన వ్యక్తిత్వం మా అన్విత గ్రూప్ విలువలకు సరిగ్గా సరిపోతాయి. అందుకే ఆయనను మా బ్రాండ్ ఫేస్‌గా ఎంచుకున్నాం” అని తెలిపారు. ‘బిల్డ్ హ్యాపినెస్’ అనే తమ నినాదాన్ని బాలకృష్ణ గారి ద్వారా ప్రజల్లోకి బలంగా తీసుకెళ్తామని ధీమా వ్యక్తం చేశారు.

‘బిల్డ్ హ్యాపినెస్’ అనేదే అన్విత గ్రూప్ నినాదమని, అదే భావనను ప్రజల్లోకి తీసుకెళ్లగల ప్రతినిధిగా బాలకృష్ణ నిలుస్తారని అచ్యుతరావు బొప్పన పేర్కొన్నారు. సంతోషంతో నిండిన శాశ్వత వారసత్వాన్ని నిర్మించే ప్రయాణంలో ఆయన భాగస్వామ్యం సంస్థకు మరింత బలాన్నిస్తుందన్నారు.

గత రెండు దశాబ్దాలుగా దుబాయ్, అబూదాబిలో నివాస, వాణిజ్య, హాస్పిటాలిటీ రంగాల్లో 4 కోట్ల చదరపు అడుగుల నిర్మాణాన్ని పూర్తి చేసిన అన్విత గ్రూప్, ప్రస్తుతం అమెరికాలోని డల్లాస్ నగరంలో లైఫ్‌స్టైల్ కమ్యూనిటీని అభివృద్ధి చేస్తోందని తెలిపారు. హైదరాబాదులో మూడు ప్రధాన ప్రాజెక్టులతో మొత్తం 80 లక్షల చదరపు అడుగుల నిర్మాణం కొనసాగుతోందన్నారు.

కొల్లూరులోని అన్విత ఇవానా ప్రాజెక్ట్‌కు షెడ్యూల్‌కు ముందే ఆక్యుపెన్సీ సర్టిఫికేట్ రావడం విశేషమని, తొలి దశలో 400 యూనిట్లను వినియోగదారులకు అందించనున్నట్లు తెలిపారు. అలాగే అన్విత హై నైన్, మేడ్చల్ ‌లోని అన్విత పార్క్‌సైడ్ ప్రాజెక్టులు నగర జీవనానికి కొత్త నిర్వచనం ఇవ్వనున్నాయని చెప్పారు.

భవిష్యత్ ప్రణాళికల్లో భాగంగా హైదరాబాద్ పరిసర ప్రాంతాలతో పాటు విజయవాడ, విశాఖలలో ప్రపంచ స్థాయి ప్రాజెక్టులను చేపట్టనున్నట్లు అచ్యుతరావు బొప్పన వెల్లడించారు. విజయవాడ బెంజ్ సర్కిల్ సమీపంలో నగరంలోనే ఎత్తైన భవనాలను నిర్మిస్తామని చెప్పారు. రాబోయే 5–6 సంవత్సరాల్లో ప్రతి ఏడాది సుమారు వెయ్యి యూనిట్లను వినియోగదారులకు అందించడమే లక్ష్యంగా అన్విత గ్రూప్ ముందుకు సాగుతోందన్నారు. ఈ కార్యక్రమంలో అన్విత గ్రూప్ డైరెక్టర్లు నాగభూషణం బొప్పన, శ్రీకాంత్ బొప్పన, విజయరాజు, హ్యాపీ హోమ్స్ డైరెక్టర్ మురళి తదితరులు పాల్గొన్నారు.