నాగార్జున సమర్పణలో ‘ఇట్లు అర్జున’

మూగ యువకుడి ప్రేమకథగా రూపొందిన చిత్రం ‘ఇట్లు అర్జున’. అనీష్‌, అనస్వర రాజన్‌ జంటగా నటిస్తున్న ఈ చిత్రం ద్వారా మహేష్‌ ఉప్పల దర్శకుడిగా పరిచయమవుతున్నాడు. వెంకీ కుడుముల నిర్మాత.

మూగ యువకుడి ప్రేమకథగా రూపొందిన చిత్రం ‘ఇట్లు అర్జున’. అనీష్‌, అనస్వర రాజన్‌ జంటగా నటిస్తున్న ఈ చిత్రం ద్వారా మహేష్‌ ఉప్పల దర్శకుడిగా పరిచయమవుతున్నాడు. వెంకీ కుడుముల నిర్మాత. ఈ చిత్రానికి అగ్ర నటుడు నాగార్జున సమర్పకుడిగా వ్యవహరిస్తున్నారు. ఈ సినిమాను నవంబర్‌ 13న విడుదల చేయబోతున్నట్లు మేకర్స్‌ తెలిపారు. ఈ సందర్భంగా శనివారం కొత్త పోస్టర్‌ను విడుదల చేశారు.

‘మూగ యువకుడు అర్జున్‌ చుట్టూ నడిచే కథ ఇది. అతను కీర్తి అనే అమ్మాయిని మౌనంగా ప్రేమిస్తుంటాడు. ఈ క్రమంలో ఆయన జీవితంలో ఎదురైన అనూహ్య సంఘటనలు ఏమిటన్నదే ఈ చిత్ర ఇతివృత్తం. ప్రేమ, హాస్యం, సాహసం కలబోసిన హృద్యమైన కథ ఇది. నాగార్జునగారు ఈ సినిమా చూసి విభిన్నమైన కాన్సెప్ట్‌ అని అభినందించారు’ అని మేకర్స్‌ తెలిపారు. ఈ చిత్రానికి తమన్‌ స్వరకర్త.