Mike Tyson | మైక్‌టైస‌న్‌కు భారీ రెమ్యున‌రేష‌న్..అయినా..!

బాక్సింగ్ నేప‌థ్యంలో వ‌చ్చిన లైగ‌ర్ (Liger) చిత్రానికి పూరీ జ‌గ‌న్నాథ్ (Puri Jagannadh) ద‌ర్శ‌క‌త్వం వ‌హించాడు. వ‌ర‌ల్డ్ బాక్సింగ్ లెజెండ్ మైక్ టైస‌న్ కీ రోల్‌లో న‌టించాడు. లైగ‌ర్ బాక్సాఫీస్ వ‌ద్ద ఆశించిన స్థాయిలో స‌క్సెస్ అందుకోలేక‌పోయింది.

September 1, 2022 / 09:06 AM IST

Mike Tyson | మైక్‌టైస‌న్‌కు భారీ రెమ్యున‌రేష‌న్..అయినా..!

విజ‌య్‌దేవ‌ర‌కొండ (Vijay Deverakonda) టైటిల్ రోల్‌లో న‌టించిన‌ చిత్రం లైగ‌ర్ (Liger). బాక్సింగ్ నేప‌థ్యంలో వ‌చ్చిన ఈ చిత్రాన్ని పూరీ జ‌గ‌న్నాథ్ (Puri Jagannadh) ద‌ర్శ‌క‌త్వం వ‌హించాడు. వ‌ర‌ల్డ్ బాక్సింగ్ లెజెండ్ మైక్ టైస‌న్ కీ రోల్‌లో న‌టించాడు. లైగ‌ర్ బాక్సాఫీస్ వ‌ద్ద ఆశించిన స్థాయిలో స‌క్సెస్ అందుకోలేక‌పోయింది. అయితే విజ‌య్ దేవ‌ర‌కొండ మాస్ యాక్ష‌న్‌కు మాత్రం అభిమానులు, మూవీ ల‌వ‌ర్స్ ఫిదా అవుతున్నారు. మ‌రోవైపు ర‌మ్య‌కృష్ణ లైగ‌ర్ త‌ల్లి బాలామ‌ణిగా అద్బుతంగా న‌టించింద‌ని అంటున్నారు ప్రేక్ష‌కులు.

కాగా మైక్ టైస‌న్ తీసుకున్న రెమ్యున‌రేష‌న్‌కు సంబంధించిన వార్త ఇపుడు టాక్ ఆఫ్ ది టౌన్‌గా మారింది. ఈ సినిమా కోసం మైక్ టైస‌న్ రూ.23 కోట్లు పారితోషికంగా తీసుకున్నాడ‌ని తాజాగా ఓ వార్త నెట్టింట్లో హ‌ల్ చ‌ల్ చేస్తోంది. అయితే ఇంత పెద్ద మొత్తంలో ఖ‌ర్చు పెట్టినా లైగ‌ర్‌కు మాత్రం ఏమీ ఉప‌యోగ‌ప‌డలేద‌ని తెగ చ‌ర్చించుకుంటున్నారు సినీ జ‌నాలు.

ఈ చిత్రంలో బాలీవుడ్ హీరోయిన్ అన‌న్య‌పాండే (Ananya Pandey) టాలీవుడ్‌కు ప‌రిచ‌య‌మైంది. రమ్య‌కృష్ణ, అలీ, బాలీవుడ్ న‌టులు రోనిత్ రాయ్‌, చుంకీ పాండే కీల‌క పాత్ర‌లు పోషించారు. లైగ‌ర్ చిత్రాన్ని ధ‌ర్మ ప్రొడ‌క్ష‌న్స్ బ్యాన‌ర్, పూరీ కనెక్ట్స్ బ్యాన‌ర్ల‌పై అపూర్వ మెహ‌తా, క‌ర‌ణ్ జోహార్, ఛార్మీ కౌర్‌, పూరీ జ‌గ‌న్నాథ్ నిర్మించారు.