క‌ల‌లోనే న‌న్ను అరెస్ట్ చేయ‌గ‌ల‌రు.. బిగ్ బాస్ భామ సంచ‌ల‌న కామెంట్స్

న‌టి,బిగ్ బాస్ ఫేం మీరా మిథున్ ఎప్పుడు వివాదాల‌తోనే వార్త‌ల‌లో నిలుస్తూ ఉంటుంది. హీరోయిన్స్‌పై లేదంటే నటుల‌పైనో లేదంటే వ్య‌వ‌స్థ‌పైనో సంచ‌ల‌న వ్యాఖ్య‌లు చేస్తూ అంద‌రి దృష్టిని ఆకర్షిస్తుంటుంది. ఇటీవ‌ల దళిత సినిమా కార్మికులను కించపరిచేలా వ్యాఖ్యలు చేయ‌డంతో ఆమెపై సోష‌ల్ మీడియాలోను, బ‌య‌ట విమ‌ర్శ‌లు వెల్లువెత్తుతున్నాయి.

దళితులను కించపరిచేలా మాట్లాడిన ఆమెపై ఎస్సీ, ఎస్టీ అట్రాసిటీ కేసుతో పాటు… మరో ఏడు సెక్షన్ల కింద కేసులు నమోదయ్యాయి. విచార‌ణ‌కు హాజరు కావాల్సిందిగా మీరాకు చెన్నై పోలీసులు నోటీసులు జారీచేశారు. ఈ క్ర‌మంలో ఆమె అరెస్ట్ పక్కా అంటూ ప‌లువురు కామెంట్స్ చేస్తున్నారు. దీనిపై త‌న సోష‌ల్ మీడియా ద్వారా స్పందించింది మీరా.

తనను అరెస్ట్ చేయడం కలలోనే జరుగుతుందని తెలిపింది. సాధ్యమైతే తనను నిర్భయంగా అరెస్ట్ చేసుకోవచ్చని ఛాలెంజ్ చేసింది. తనను అరెస్ట్ చేయడం జరిగే పని కాదని పేర్కొని మ‌రో సారి వార్త‌ల‌లోకి ఎక్కింది.