Manjima Mohan | మంజిమా మోహన్‌-గౌతమ్‌ కార్తీక్‌ వెడ్డింగ్ డేట్ ఫిక్స్

నటుడు గౌతమ్‌ కార్తీక్‌ (Gautham Karthik)తో రిలేషన్‌షిప్‌లో ఉన్నట్టు ప్రకటించి ఇటీవలే అందరికీ సర్‌ప్రైజ్‌ ఇచ్చింది మలయాళ భామ మంజిమా మోహన్‌ (Manjima Mohan). ఈ ఇద్దరు ఎప్పుడు పెండ్లి చేసుకోబోతున్నారనే దానిపై క్లారిటీ వచ్చింది.

November 24, 2022 / 05:47 PM IST

Manjima Mohan | మంజిమా మోహన్‌-గౌతమ్‌ కార్తీక్‌ వెడ్డింగ్ డేట్ ఫిక్స్

నాగచైతన్య హీరోగా నటించిన సాహసం శ్వాసగా సాగిపో (Manjima Mohan) సినిమాతో తెలుగు ప్రేక్షకులను పలుకరించింది మలయాళ భామ మంజిమా మోహన్‌ (Manjima Mohan). ఈ బ్యూటీ ఇటీవలే నటుడు గౌతమ్‌ కార్తీక్‌ (Gautham Karthik)తో రిలేషన్‌షిప్‌లో ఉన్నట్టు ప్రకటించి అందరికీ సర్‌ప్రైజ్‌ ఇచ్చింది.

కోస్టార్లుగా వీరిద్దరి ప్రయాణం మొదలైంది. అయితే ఈ ఇద్దరు ఎప్పుడు పెండ్లి చేసుకోబోతున్నారనే దానిపై క్లారిటీ వచ్చింది. మీడియాతో చిట్ చాట్ సెషన్‌లో ఈ ఇద్దరు యాక్టర్లు తమ పెండ్లి విషయంపై క్లారిటీ ఇచ్చారు. నవంబర్ 28న చెన్నైలో పెళ్లికి ముహూర్తం ఫిక్స్ చేసుకున్నట్టు ప్రకటించారు. కుటుంబసభ్యులు, సన్నిహితుల సమక్షంలో వెడ్డింగ్‌ ఈవెంట్‌ నిర్వహించేందుకు ప్లాన్ చేసినట్టు తెలిపారు.

అంతేకాదు పెండ్లి తర్వాత కూడా తాము సినిమాలు చేస్తామని స్పష్టం చేశారు. ప్రస్తుతం కోలీవుడ్ స్టార్ హీరో శింబు నటిస్తోన్న పత్తుతల మూవీలో కీలక పాత్రలో నటిస్తున్నాడు గౌతమ్‌ కార్తీక్‌. చివరగా ఎఫ్‌ఐఆర్‌ సినిమాలో మెరిసిన మంజిమా మోహన్‌ తెలుగులో October 31st Ladies Night ప్రాజెక్ట్ చేస్తుండగా.. ఈ సినిమాకు సంబంధించి కొత్త అప్‌డేట్ రావాల్సి ఉంది.