Visit:
మూవీ ఆర్టిస్ట్ అసోసియేషన్ కొత్త అధ్యక్షుడిగా మంచు విష్ణు ఎంపికైన విష‌యం తెలిసిందే.ఈ ఆదివారం జ‌రిగిన ఎన్నిక‌ల‌లో మంచు విష్ణు ప్ర‌కాశ్ రాజ్‌పై 107 ఓట్ల తేడాతో గెలుపొందాడు. ఈ క్ర‌మంలో మూవీ ఆర్టిస్ట్ అసోసియేషన్ (‘మా’ )అధ్యక్షుడిగా మంచు విష్ణు బాధ్యతలు స్వీకరించారు. అనంతరం ఆయన పెన్షన్ల ఫైలుపై తొలి సంతకం చేశారు.
ప్ర‌కాశ్ రాజ్ ప్యానెల్ నుండి గెలిచిన వాళ్లు నిన్న రాజీనామాలు చేయ‌డంతో ఇప్పుడువారి స్థానాల‌ని భ‌ర్త చేస్తారా లేదంటే వేరే నిర్ణ‌యం తీసుకుంటారా అనే దానిపై అంద‌రిలో ప‌లు సందేహాలు నెల‌కొన్నాయి. ‘మా’ బైలాస్‌కి అనుగుణంగా విష్ణు ఎలాంటి నిర్ణ‌యం తీసుకుంటాడా అన్న‌ది స‌ర్వ‌త్రా ఆస‌క్తిక‌రంగా మారింది.
కాగా, భవిష్యత్‌లో మూవీ ఆర్టిస్ట్స్‌ అసోసియేషన్ (మా)లో ఎలాంటి గొడవలు లేకుండా సజావుగా సాగడానికి తమ ప్యానెల్ నుంచి గెలుపొందిన 11 మంది రాజీనామా చేస్తున్నట్లు సినీ నటుడు ప్రకాశ్‌రాజ్‌ ప్రకటించారు. మంచు విష్ణు త‌ను ఇచ్చిన హ‌మీల‌ను త‌ప్ప‌క నెర‌వేరుస్తాడని మేమదరం భావిస్తున్నాం. లేని ప‌క్షంలోత‌ప్ప‌క ప్ర‌శ్నిస్తాం అని కూడా ఆయన తెలిపారు.
