Malavika Mohanan | తమిళంలో బంపరాఫర్‌.. కార్తీ సరసన మాళవిక మోహనన్‌

మలయాళం, తమిళ భాషల్లో ప్రతిభావంతురాలైన కథానాయికగా పేరు తెచ్చుకుంది మాళవిక మోహనన్‌. ప్రస్తుతం ఈ భామ తెలుగులో ప్రభాస్‌ సరసన ‘రాజాసాబ్‌' చిత్రంలో నటిస్తున్నది.

Malavika Mohanan | మలయాళం, తమిళ భాషల్లో ప్రతిభావంతురాలైన కథానాయికగా పేరు తెచ్చుకుంది మాళవిక మోహనన్‌. ప్రస్తుతం ఈ భామ తెలుగులో ప్రభాస్‌ సరసన ‘రాజాసాబ్‌’ చిత్రంలో నటిస్తున్నది. తాజాగా ఆమె తమిళంలో కార్తీ సరసన కథానాయికగా నటించే బంపరాఫర్‌ను దక్కించుకుంది. వివరాల్లోకి వెళితే.. కార్తీ కథానాయకుడిగా నటిస్తున్న తాజా చిత్రం ‘సర్దార్‌-2’ ఇటీవలే ప్రారంభమైంది.

పీఎస్‌ మిత్రన్‌ దర్శకత్వం వహిస్తున్న ఈ సినిమా రెగ్యులర్‌ షూటింగ్‌ చెన్నైలో జరుగుతున్నది. ఈ సినిమాలో మాళవిక మోహనన్‌ కథానాయికగా ఖరారైంది. ఈ విషయాన్ని శుక్రవారం మేకర్స్‌ అధికారికంగా ప్రకటించారు. భారీ బడ్జెట్‌తో ఈ సినిమాను తెరకెక్కిస్తున్నామని, కథాగమనంలో మాళవిక మోహనన్‌ పాత్రకు చాలా ప్రాధాన్యత ఉంటుందని చిత్ర బృందం పేర్కొంది. ఈ చిత్రానికి సంగీతం: యువన్‌శంకర్‌ రాజా, నిర్మాత: ఎస్‌.లక్ష్మణ్‌ కుమార్‌.