Bigg Boss: ఈ వారం నామినేష‌న్‌లో ఉన్న ఆరుగురు స‌భ్యులు ఎవ‌రో తెలుసా?

October 25, 2021 / 10:26 AM IST

బిగ్ బాస్(Bigg Boss) సీజ‌న్ 5 కార్య‌క్ర‌మం ర‌స‌వ‌త్త‌రంగా సాగుతుంది.ఇప్ప‌టికే ఈ షోలో 50రోజులు పూర్త‌య్యాయి. మ‌రో 50 రోజులు మాత్ర‌మే మిగిలి ఉన్నాయి.19 మంది సభ్యుల‌తో షో మొద‌లు కాగా, ఏడుగురు కంటెస్టెంట్స్ బ‌య‌ట‌కు వెళ్లారు. ప్ర‌స్తుతం 12మంది హౌజ్‌లో ఉన్నారు.ఎనిమిదో వారం ఎవ‌రు బ‌య‌ట‌కు వెళ్ల‌నున్నారు అనే దానిపై ఇప్ప‌టి నుండే చ‌ర్చ‌లు మొద‌ల‌య్యాయి. తాజా సమాచారం మేర‌కు ఈ వారం నామినేష‌న్‌లో ఆరుగురు ఉన్నారు.

సోమ‌వారం జ‌రిగే వాడి వేడి నామినేష‌న్ ప్ర‌క్రియ‌లో లోబో, ర‌వి, ష‌ణ్ముఖ్‌, మాన‌స్, శ్రీరామ్, సిరి డేంజ‌ర్ జోన్‌కి వెళ్ల‌నున్న‌ట్టు తెలుస్తుంది. బిగ్ బాస్ కి సంబంధించి వ‌రుస లీకులు వ‌స్తున్న నేప‌థ్యంలో నేటి నామినేష‌న్ ప్ర‌క్రియ‌లో ఈ ఆరుగురు ఉంటార‌ని స‌మాచారం. అయితే ఈ ఆరుగురిలో సిరి(Siri), లేదా లోబో(Lobo) ఎలిమినేట్ కానున్న‌ట్టు కూడా జోస్యాలు చెబుతున్నారు. ఆదివారం రోజు ప్రియ ఎలిమినేట్ అయిన విష‌యం తెలిసిందే.