Lal Salaam | ఈ ఏడాది ‘జైలర్’ సినిమాతో సూపర్ సక్సెస్ అందుకున్నాడు తమిళ సూపర్ స్టార్ రజనీకాంత్ (Rajinikanth). ఈ జోష్లో ఆయన వరుస సినిమాలను లైన్లో పెడుతున్నాడు. ఇప్పటికే జై భీమ్ దర్శకుడితో తలైవ 170 సినిమా చేస్తున్న రజనీ.. తన కూతురు ఐశ్వర్య డైరెక్షన్లో ‘లాల్సలామ్’ (Lal Salaam) అనే సినిమామ చేస్తున్నాడు. విష్ణువిశాల్, విక్రాంత్ ఈ సినిమాలో లీడ్ రోల్స్లో నటిస్తుండగా.. టీమిండియా మాజీ కెప్టెన్ ‘కపిల్ దేవ్'(Kapil Dev) కీలక పాత్రలో నటిస్తున్నాడు. ఇప్పటికే విడుదల చేసిన లాల్ సలామ్ టైటిల్ పోస్టర్తో పాటు దీపావళి కానుకగా విడుదల చేసిన టీజర్ ప్రేక్షకులను ఆకట్టుకుంటుంది. ఇదిలా ఉంటే.. తాజాగా ఈ సినిమా నుంచి మరో ఇంట్రెస్టింగ్ అప్డేట్ వచ్చింది.
ఈ సినిమాలో తన పాత్రకు డబ్బింగ్ పూర్తి చేశాడు టీమిండియా మాజీ కెప్టెన్ కపిల్ దేవ్. లాల్సలామ్లో తన పాత్రకు మన లెజెండరీ ఇండియన్ క్రికెటర్ కపిల్ దేవ్ డబ్బింగ్ పూర్తి చేశాడని లైకా ప్రొడక్షన్స్ సోషల్ మీడియాలో ఓ ఫొటో షేర్ చేసింది. ఇక ఈ ఫొటోలో కపిల్ దేవ్ డబ్బింగ్ చెబుతున్నట్లు ఉండగా.. స్టూడియో రూమ్లో ఐశ్వర్య కూర్చోని కపిల్కు సలహాలు ఇస్తున్నట్లు ఉంది.
The Legendary Indian Cricketer @therealkapildev Garu completed his dubbing for #LalSalaam
Post production works are in full swing! 💥
Releasing in Tamil, Telugu, Hindi, Malayalam & Kannada! In Cinemas 📽️ PONGAL 2024 Worldwide ☀️🌾@rajinikanth @ash_rajinikanth @arrahman… pic.twitter.com/g7KYTQjpHt
— Vamsi Kaka (@vamsikaka) November 23, 2023
ఈ చిత్రాన్ని లైకా ప్రొడక్షన్స్ బ్యానర్పై సుభాస్కరణ్ నిర్మిస్తుండగా.. ఏఆర్ రెహమాన్ సంగీతం అందిస్తున్నాడు. ఇక ఈ మూవీలో రజనీకాంత్ మొయిదీన్ భాయ్ అనే స్పెషల్ రోల్తో అలరించనున్నాడు. ఐశ్వర్య రజనీకాంత్ దర్శకత్వం వహించిన ఈ చిత్రంలో విష్ణు విశాల్, విక్రాంత్, సెంథిల్, జీవిత, తంబి రామయ్య, అనంతిక సనీల్కుమార్, వివేక్ ప్రసన్న, మరియు తంగదురై ముఖ్య పాత్రల్లో నటిస్తున్నారు.
మరోవైపు ఈ మూవీ దివంగత నటుడు సుశాంత్ సింగ్ రాజ్పుత్ నటించిన బాలీవుడ్ బ్లాక్బస్టర్ ‘కై పొ చే’ (Kai Po Che) సినిమాకు రీమేక్గా ఈ రూపొందుతున్నట్లు తెలుస్తుంది.