ఇద్దరిలో ఎవరి పంతం నెగ్గింది?

ఎన్నికలను ప్రెస్టేజియస్‌గా తీసుకున్న ఓ రాజకీయనాయకుడు. ఎన్నికల్లో ఓటర్లకు డబ్బు పంచకుండా అడ్డుకుంటానని పంతం పట్టిన ఓ పోలీస్‌ అధికారి. ఎన్నికలకు పాతికరోజులే సమయం ఉంది.

ఎన్నికలను ప్రెస్టేజియస్‌గా తీసుకున్న ఓ రాజకీయనాయకుడు. ఎన్నికల్లో ఓటర్లకు డబ్బు పంచకుండా అడ్డుకుంటానని పంతం పట్టిన ఓ పోలీస్‌ అధికారి. ఎన్నికలకు పాతికరోజులే సమయం ఉంది. తక్కువ సమయంలో వందకోట్ల డబ్బుని, రెండు లక్షలమంది ఓటర్లకు, ఓటుకు 5000 చొప్పున పంచడం రాజకీయనాయకుడి టార్గెట్‌. మరి ఆ టార్గెట్‌ని రీచ్‌ అయ్యాడా? పోలీస్‌ అధికారి పంతం ఏమైంది? ఈ ప్రశ్నలకు సమాధానంగా తెరకెక్కుతున్న రాజకీయ వ్యంగ్యం చిత్రం ‘లక్ష్మీకటాక్షం’.

సాయికుమార్‌ ప్రధాన పాత్ర పోషించిన ఈ చిత్రంలో వినయ్‌, అరుణ్‌, దీప్తి వర్మ కీలక పాత్రధారులు. సూర్య దర్శకుడు. యు.శ్రీనివాసులరెడ్డి, బి.నాగేశ్వరరెడ్డి, వహీద్‌ షేక్‌, కె.పురుషోత్తంరెడ్డి నిర్మాతలు. త్వరలో సినిమా విడుదల కానుంది. ఈ సందర్భంగా మేకర్స్‌ ట్రైలర్‌ని విడుదల చేశారు. కథానుగుణంగా ఈ ట్రైలర్‌లో ఎన్నికల వేడిని చూపించారు.

ప్రస్తుతం తెలుగురాష్ర్టాల్లో జరుగనున్న ఎన్నికల తేదీనే ఈ ట్రైలర్‌లోనూ చూపిస్తూ, పాతికేళ్ల కెరీర్‌ నిలబెట్టుకోవాలని తపించే రాజకీయవేత్తగా సాయికుమార్‌ కనిపించారు. ఈ ట్రైలర్‌లో కొన్ని ఫాంటసీ ఎలిమెంట్స్‌ కూడా ఉండటం గమనార్హం. తప్పకుండా అందరికీ నచ్చే సినిమా అవుతుందని దర్శక, నిర్మాతలు నమ్మకం వ్యక్తం చేశారు. చరిష్మా శ్రీకర్‌, హరిప్రసాద్‌, సాయికిరణ్‌ ఏడిద, ఆమని తదితరులు ఇతర పాత్రలు పోషించిన ఈ చిత్రానికి కెమెరా: నని ఐనవెల్లి, సంగీతం: అభిషేక్‌ రుఫుస్‌.