Oscars: లాప‌తా లేడీస్ ఔట్‌.. ఆస్కార్స్ రేసులో సంతోష్

Oscar Race: ఆస్కార్స్ రేసు నుంచి లాప‌తా లేడీస్ చిత్రం మిస్సైంది. 15 చిత్రాల షార్ట్‌లిస్టును బుధ‌వారం అకాడ‌మీ ప్ర‌క‌టించింది. అయితే ఆ లిస్టులో బ్రిట‌న్ నుంచి హిందీ చిత్రం సంతోష్ చోటు ద‌క్కించుకున్న‌ది.

లాస్ ఏంజిల్స్‌: ఆస్కార్స్ రేసు(Oscars) నుంచి హిందీ చిత్రం లాప‌తా లేడీస్ ఔటైంది. 97వ అకాడ‌మీ అవార్డుల కోసం భార‌త్ నుంచి బెస్ట్ ఇంట‌ర్నేష‌న్ ఫీచ‌ర్ క్యాట‌గిరీలో ఎంట్రీ ఇచ్చిన ఆ సినిమా తుది జాబితా నుంచి త‌ప్పుకున్న‌ది. కిర‌ణ్ రావు డైరెక్ష‌న్ చేసిన ఈ ఫిల్మ్‌కు ఆస్కార్స్ షార్ట్‌లిస్టులో చోటు ద‌క్క‌లేదు. 15 చిత్రాల షార్ట్‌లిస్టు నుంచి అయిదింటిని తుది రేసుకు ఎంపిక చేస్తారు. అయితే 15 చిత్రాల లిస్టును బుధ‌వారం అకాడ‌మీ ప్ర‌క‌టించింది. లాప‌తా లేడీస్ ఆ లిస్టులో లేకున్నా.. ఇండియాకు చెందిన ఫిల్మ్‌మేక‌ర్ సంధ్యా సూరి తీసిన సంతోష్ అనే చిత్రానికి షార్ట్‌లిస్టులో చోటు ద‌క్కింది. ఈ ఫిల్మ్‌లో ఇండియ‌న్ స్టార్స్ షాహ‌నా గోస్వామి, సునితా రాజ్వార్ న‌టించారు. అయితే ఈ ఫిల్మ్ యూకే త‌ర‌పున ఆస్కార్స్‌కు ఎంట్రీ ఇచ్చింది.

ఎమిలియా పెరిజ్‌(ఫ్రాన్స్‌), ఐయామ్ స్టిల్ హియ‌ర్‌(బ్రెజిల్‌), యునివ‌ర్స‌ల్ ల్యాంగ్వేజ్‌(కెన‌డా), వేవ్స్‌(చెక్ రిప‌బ్లిక్‌), ద గ‌ర్ల్ విత్ ద నీడిల్‌(డెన్మార్క్‌), ద సీడ్ ఆప్ ద సాక్రెడ్ ఫిగ్‌(జ‌ర్మ‌నీ), ట‌చ్‌(ఐస్‌ల్యాండ్‌), నీక్యాప్‌(ఐర్లాండ్‌), వెర్మిగ్లో(ఇట‌లీ),ఫ్లో(లత్వియా), ఆర్మండ్‌(నార్వే), ఫ్ర‌మ్ గ్రౌండ్ జీరో(పాల‌స్తీనా), ద‌హోమే(సెనిగ‌ల్‌), హౌ టు మేక్ మిలియ‌న్స్ బిఫోర్ గ్రాండ్‌మా డైస్‌(థాయిలాండ్‌) చిత్రాలు ఇంట‌ర్నేష‌న‌ల్ ఫీచ‌ర్ కేట‌గిరీలో పోటీప‌డుతున్నాయి. జ‌న‌వ‌రి 17వ తేదీన తుది ఆస్కార్ నామినేష‌న్లు ప్ర‌క‌టించ‌నున్నారు.