Visit:
Kriti Shetty | తొలి సినిమాతోనే తెలుగులో గ్రాండ్ స‌క్సెస్ అందుకున్న భామ‌ల్లో ఒక‌రు కృతిశెట్టి. ఉప్పెన సినిమాతో టాలీవుడ్‌కు ప‌రిచ‌యమైన ఈ ముద్దుగుమ్మ సూప‌ర్ ఫ్యాన్ బేస్ సంపాదించుకుంది. అద్భుత‌మైన న‌ట‌నతో కుర్ర‌కారు మ‌న‌సు దోచేసిన కృతిశెట్టి ఆ త‌ర్వాత శ్యామ్ సింగ‌రాయ్‌, బంగార్రాజు సినిమాల‌తో బ్యాక్ టు బ్యాక్ హిట్స్ అందుకుంది. కానీ ఆ త‌ర్వాత చేసిన సినిమాలు మాత్రం కృతిశెట్టికి నిరాశ‌నే మిగిల్చాయ‌ని చెప్పాలి.
కృతిశెట్టి హీరోయిన్‌గా న‌టించిన క‌స్ట‌డీ, మ‌న‌మే, ది వారియ‌ర్, మాచెర్ల నియోజ‌క‌వ‌ర్గం సినిమాలు బాక్సాఫీస్ వ‌ద్ద బోల్తా కొట్టాయి. ఈ వ‌రుస ఫెయిల్యూర్స్ టాలీవుడ్‌లో కృతిశెట్టి ప్ర‌యాణంపై ప్ర‌భావం చూపించాయి. అయితే ఇక చేసేదేమి లేక త‌మిళంలో త‌న ల‌క్‌ను ప‌రీక్షించుకోవాల‌నుకున్నకృతిశెట్టి అక్క‌డ మూడు సినిమాలకు గ్రీన్‌సిగ్న‌ల్ ఇచ్చింది. పాపుల‌ర్ యాక్ట‌ర్ల‌తో సినిమాలు చేసి.. షూటింగ్స్ పూర్తి చేసినా ప‌లు కార‌ణాల వ‌ల్ల ఆల‌స్య‌మ‌వుతూ వ‌చ్చాయి.
తీవ్ర నిరాశ‌లో ఉండిపోయిన కృతిశెట్టి అభిమానుల కోసం వ‌రుస‌గా ఆ సినిమాలు విడుద‌ల‌కు రెడీ అయ్యాయి. పై మూడు సినిమాలు ఒకేసారి ఒకే నెల‌లో విడుద‌ల‌కు ముస్తాబ‌వుతున్నాయి. ఈ మూడు ప్రాజెక్టులు కూడా డిసెంబ‌ర్ నెల‌లోనే రిలీజ్ కాబోతుండ‌టం విశేషం.
కృతిశెట్టి కార్తీతో క‌లిసి న‌టిస్తున్న వా వాథియార్‌, ప్ర‌దీప్ రంగ‌నాథ‌న్ ల‌వ్ ఇన్సూరెన్స్, ర‌విమోహ‌న్ Genie సినిమాలు డిసెంబ‌ర్‌లో ప్రేక్ష‌కుల ముందుకు రాబోతున్నాయి. మ‌రి చాలా కాలంగా స‌రైన బ్రేక్ ఎదురుచూస్తున్న కృతిశెట్టికి ఈ డిసెంబ‌ర్ అయినా క‌లిసి రావాల‌ని కోరుకుంటున్నారు అభిమానులు, ఫాలోవ‌ర్లు.
Srinidhi Shetty | సిద్ధు పాత్ర‌తో ప్రేమ‌లో ప‌డిపోతారు.. తెలుసు క‌దా సినిమాపై శ్రీనిధి శెట్టి
Kiran Abbavaram | కిర‌ణ్ అబ్బ‌వ‌రం వెబ్‌సిరీస్ జోన‌ర్ ఇదేన‌ట..!
Deepika Padukone | ప‌నిగంట‌ల వివాదం.. తొలిసారి స్పందించిన దీపికా ప‌దుకొణే
