Kriti Sanon | ఆ సినిమాతో గర్వంగా ప్రేక్షకుల ముందుకొస్తానంటున్న జాతీయ ఉత్తమనటి

జాతీయ ఉత్తమనటి కృతీసనన్‌ నిర్మాతగా మారింది. బ్లూ బటర్‌ ఫ్లై ఫిల్మ్స్‌ పేరిట ఓ నిర్మాణ సంస్థను నెలకొల్పి.. అందులో తొలి ప్రయత్నంగా ‘దో పత్తీ’ పేరుతో చిత్రాన్ని నిర్మించింది.

Kriti Sanon | జాతీయ ఉత్తమనటి కృతీసనన్‌ నిర్మాతగా మారింది. బ్లూ బటర్‌ ఫ్లై ఫిల్మ్స్‌ పేరిట ఓ నిర్మాణ సంస్థను నెలకొల్పి.. అందులో తొలి ప్రయత్నంగా ‘దో పత్తీ’ పేరుతో చిత్రాన్ని నిర్మించింది. నిర్మాతగా తన అనుభవాలను ఇటీవల అభిమానులతో పంచుకున్నారు కృతిసనన్‌. ‘నాపై నాకు నమ్మకాన్ని పెంచిన సినిమా ‘దో పత్తీ’. నటనతోపాటు నిర్మాణంలో కూడా రాణించగలనన్న ఆత్మవిశ్వాసం ఈ సినిమా నాకు ఇచ్చింది.

సవాల్‌గా తీసుకొని ఈ సినిమాను నిర్మించాను. స్క్రిప్ట్‌ దగ్గర్నుంచి అన్ని విభాగాల్లో భాగం అయ్యాను. ఫలితంగా బడ్జెట్‌ని అర్థం చేసుకోగలిగాను. రోజుకు 16 నుంచి 17 గంటలు కేవలం ఈ సినిమా కోసమే పనిచేశాను. త్వరలోనే గర్వంగా ప్రేక్షకుల ముందుకు తెస్తా.’ అంటూ ఆనందం వ్యక్తం చేసింది కృతీసనన్‌. ప్రస్తుతం ఈ సినిమాతోపాటు ఈ అందాలభామ చేతిలో ‘క్రూ’ అనే సినిమా కూడా ఉంది. ఇందులో కరీనా కపూర్‌, టబు లతో కలిసి నటిస్తున్నది కృతి. ఈ నెల 29న ఈ సినిమా విడుదల కానుంది.