Kiran Abbavaram | కోపంగా చూడకే కొట్టినట్టు.. గాలి దుమారమే రేగినట్టు.. రుక్సర్‌తో కిరణ్‌ అబ్బవరం రొమాన్స్‌

యువ హీరో కిరణ్‌ అబ్బవరం నటిస్తున్న తాజా చిత్రం ‘దిల్‌ రూబా’. విశ్వకరుణ్‌ దర్శకుడు. శివమ్‌ సెల్యూలాయిడ్స్‌, సారెగమ మ్యూజిక్‌ సంయుక్తంగా నిర్మిస్తున్నాయి. రుక్సర్‌ థిల్లాన్‌ కథానాయిక. వాలెంటైన్స్‌ డే సందర్భంగా ఫిబ్రవరి 14న ప్రేక్షకుల ముందుకురానుంది.

Kiran Abbavaram | యువ హీరో కిరణ్‌ అబ్బవరం నటిస్తున్న తాజా చిత్రం ‘దిల్‌ రూబా’. విశ్వకరుణ్‌ దర్శకుడు. శివమ్‌ సెల్యూలాయిడ్స్‌, సారెగమ మ్యూజిక్‌ సంయుక్తంగా నిర్మిస్తున్నాయి. రుక్సర్‌ థిల్లాన్‌ కథానాయిక. వాలెంటైన్స్‌ డే సందర్భంగా ఫిబ్రవరి 14న ప్రేక్షకుల ముందుకురానుంది. ఈ నేపథ్యంలో మ్యూజికల్‌ ప్రమోషన్స్‌కు శ్రీకారం చుట్టారు. ‘అగ్గిపుల్లె..’ అనే తొలి గీతాన్ని ఇటీవల విడుదల చేశారు.

‘అగ్గిపుల్లె అలా గీసినట్టు, కోపంగా చూడకే కొట్టినట్టు, గాలి దుమారమే రేగినట్టు..’ అంటూ చక్కటి మెలోడీతో ఈ పాట సాగింది. సామ్‌ సీఎస్‌ ఈ గీతానికి స్వరాల్ని అందించారు. లవ్‌ యాక్షన్‌ ఎంటర్‌టైనర్‌గా ఈ చిత్రాన్ని తెరకెక్కిస్తున్నామని, ‘క’ తర్వాత కిరణ్‌ అబ్బవరం నుంచి వస్తున్న ఈ సినిమాపై మంచి అంచనాలేర్పడ్డాయని మేకర్స్‌ తెలిపారు. ఈ చిత్రానికి సంగీతం: సామ్‌ సీఎస్‌, ప్రొడక్షన్‌ డిజైనర్‌: సుధీర్‌, నిర్మాతలు: రవి, జోజో జోస్‌, రాకేష్‌ రెడ్డి, సారెగమ, రచన-దర్శకత్వం: విశ్వకరుణ్‌.