కొత్త ప్రపంచంలోకి అడుగుపెట్టా!

ఇటీవలే ‘ది ప్యారడైజ్‌' చిత్రంతో తెలుగు ప్రేక్షకుల్ని పలకరించింది అస్సామీ సొగసరి కయాదు లోహర్‌. ప్రస్తుతం ఈ భామ దక్షిణాదిన భారీ చిత్రాల్లో నటిస్తూ బిజీగా ఉంది.

ఇటీవలే ‘ది ప్యారడైజ్‌’ చిత్రంతో తెలుగు ప్రేక్షకుల్ని పలకరించింది అస్సామీ సొగసరి కయాదు లోహర్‌. ప్రస్తుతం ఈ భామ దక్షిణాదిన భారీ చిత్రాల్లో నటిస్తూ బిజీగా ఉంది. అందులో మారి సెల్వరాజ్‌ దర్శకత్వంలో నటిస్తున్న తమిళ చిత్రం ‘మంజనాతి’ ఒకటి. మహిళా ప్రధాన కథాంశంతో ఈ చిత్రాన్ని తెరకెక్కిస్తున్నారు. ఈ సినిమా తనను వ్యక్తిగతంగా ఎంతో ప్రభావితం చేసిందని కయాదు లోహర్‌ ఇన్‌స్టాగ్రామ్‌ పోస్ట్‌ ద్వారా ఆనందం వ్యక్తం చేసింది.

దర్శకుడు మారి సెల్వరాజ్‌తో కలిసి ఖాళీ రహదారిపై నడుస్తున్న ఫొటోను షేర్‌ చేసింది. ‘నటిగా నేను విభిన్నమైన ప్రపంచంలోకి అడుగుపెట్టా. ఇదొక కొత్త పాఠశాల. నా వ్యక్తిత్వానికి ఎంతో దగ్గరైన పాత్ర ఇది. ఈ ప్రయాణంలో భాగం కావడం సంతోషంగా ఉంది’ అని కయాదు లోహర్‌ తన పోస్ట్‌లో పేర్కొన్నది. ఈ చిత్రంలో మరో నాయికగా ప్రియాంక మోహన్‌ నటిస్తున్నది. ఇళయరాజా సంగీతాన్నందిస్తున్నారు.