Visit:
తమిళ హీరో కార్తీని నటుడిగా మరోస్థాయిలో నిలబెట్టిన సినిమా ‘సర్దార్‌’. ఆ సినిమాకు పార్ట్‌ 2 కూడా ఉంటుందని మేకర్స్ అప్పుడే ప్రకటించారు. ఇటీవలే ‘సర్దార్‌ 2’కు సంబంధించిన పూజాకార్యక్రమాలు చెన్నైలో ఘనంగా జరిగాయి. ఈ నెల 15న చెన్నైలో నిర్మించిన భారీ సెట్స్‌లో షూటింగ్‌ ప్రారంభిస్తామని మేకర్స్ తెలిపారు.
ప్రీక్వెల్‌కు దర్శకుడైన పి.ఎస్‌.మిత్రన్‌ ‘సర్దార్‌ 2’కి కూడా దర్శకత్వం వహించనున్నారు. భారీ బడ్జెట్‌తో నిర్మిస్తున్న ఈ చిత్రానికి అత్యున్నత సాంకేతిక నిపుణులు పనిచేస్తున్నారని నిర్మాతలు తెలిపారు. ఎస్‌.లక్ష్మణ్‌కుమార్‌ నిర్మిస్తున్న ఈ చిత్రానికి కెమెరా: జార్జ్‌ సి.విలియమ్స్‌, సంగీతం: యువన్‌శంకర్‌రాజా, నిర్మాణం: ప్రిన్స్‌ పిక్చర్స్‌.
