Devil Movie | టాలీవుడ్ హీరో నందమూరి కల్యాణ్రామ్ (Nandamuri Kalyan Ram) ప్రధాన పాత్రలో నటిస్తున్న తాజా చిత్రం డెవిల్ (Devil). ది బ్రిటిష్ సీక్రెట్ ఏజెంట్ అనేది ఉపశీర్షిక. ఈ చిత్రానికి అభిషేక్ నామా దర్శకత్వం వహిస్తుండగా.. స్పై థ్రిల్లర్గా ఈ సినిమా తెరకెక్కుతుంది. ఇక ఈ సినిమాను డిసెంబర్ 29న పాన్ ఇండియా లెవల్లో రిలీజ్ చేయనున్నట్లు మేకర్స్ వెల్లడించారు. విడుదల తేదీ దగ్గర పడుతుండటంతో ఇప్పటికే ఈ సినిమా నుంచి విడుదల చేసిన ట్రైలర్తో పాటు ఫస్ట్ సింగిల్, సెకండ్ సింగిల్లకు మంచి రెస్పాన్స్ వచ్చింది.
ఇదిలా ఉంటే.. తాజాగా ఈ సినిమా నుంచి మరో సాంగ్ అప్డేట్ అందించారు. డెవిల్ నుంచి దూరమే తీరమై అనే మెలోడీ సాంగ్ ప్రోమోను మేకర్స్ సోషల్ మీడియా వేదికగా విడుదల చేశారు. దూరమే తీరమై నింగి తాకే నేలని. తారలే చేరువై నన్ను చేరే ఆమని. కళ్ళముందర ఉంది నేడిలా.. ఎలా నీకు నేను చేరువైనా ఈ క్షణం అంటూ మెలోడీలా సాగింది. దీనికి సంబంధించిన ఫుల్ సాంగ్ను డిసెంబర్ 18న రిలీజ్ చేయనున్నారు.
Feel the love in the air as #DoorameTheeramai from #DevilTheMovie enchants your soul.
Promo out now! 🎶❤️https://t.co/RlTU4ifVXz
Full Lyrical song releasing on Dec 18th #DevilOnDec29th #Devil – The British Secret Agent@NANDAMURIKALYAN @iamsamyuktha_ #MalvikaNair
Directed… pic.twitter.com/uatLgFk8gP— BA Raju’s Team (@baraju_SuperHit) December 16, 2023
దేశ ప్రజల మనోభావాలకు వ్యతిరేకంగా డెవిల్ ముసుగేసుకుని బ్రిటీషర్ల కోసం కళ్యాణ్రామ్ ఎందుకు పని చేశాడనే కాన్సెప్ట్తో పీరియాడిక్ స్పై థ్రిల్లర్గా ఈ సినిమా తెరకెక్కుతున్నట్లు తెలుస్తుంది. లుక్స్ పరంగా కళ్యాణ్ రామ్ కూడా ఈ సినిమాలో చాలా బాగున్నాడు. అభిషేక్ పిక్చర్స్ బ్యానర్పై అభిషేక్ నామా ఈ సినిమాను నిర్మిస్తున్నాడు.