Visit:
అగ్ర నటుడు ఎన్టీఆర్‌ గాయపడ్డారు. హైదరాబాద్‌లో జరుగుతున్న ఓ యాడ్‌ షూట్‌లో ఆయన కాలికి స్వల్పంగా గాయమైంది. యాక్షన్‌ సన్నివేశాల చిత్రీకరణ సమయంలో అనుకోకుండా కిందపడటంతో ఆయనకు గాయమైంది. తక్షణమే వ్యక్తిగత సిబ్బంది ఆయన్ను దగ్గరలోని ప్రైవేటు ఆసుపత్రికి తరలించారు. పరిస్థితిని అధ్యయనం చేసిన వైద్యులు రెండువారాలు విశ్రాంతి అవసరమని సూచించారు.
ఈ మేరకు ఎన్టీఆర్‌ టీమ్‌ ఈ ప్రమాదంపై ఓ ప్రకటన విడుదల చేసింది. ‘ఎన్టీఆర్‌ ప్రస్తుతం ఆరోగ్యంగా ఉన్నారు. ఆందోళన చెందాల్సిన అవసరం లేదు. ఎన్టీఆర్‌ ఆరోగ్యంపై వస్తున్న అసత్య ప్రచారాలను ఎవరూ నమ్మొద్దు.’ అనేది ప్రకటనలో సారాంశం. ఎన్టీఆర్‌ త్వరగా కోలుకోవాలని అభిమానులు సోషల్‌ మీడియా వేదికగా పోస్టులు పెడుతున్నారు.
