Jayanth and the Jingo Pen | ‘జయంత్ అండ్ ద జింగో పెన్’ రివ్యూ.. బాలల మనస్తత్వానికి అద్దం పట్టే అందమైన చిత్రం!

Children Movie | ప్రతి పిల్లాడి ఊహల ప్రపంచం ఎంతో రంగులమయం, అమాయకం. కానీ, చదువుల పేరుతో పెద్దలు వారిపై మోపే అంచనాలు, నిరంతరం వెంటాడే ఒత్తిడి ఆ లేత మనసులను ఎంతగా కుంగదీస్తాయో కళ్లకు కట్టే చిత్రమే ‘జయంత్ అండ్ ద జింగో పెన్’ (Jayanth and the Jingo Pen).

Children Movie | ప్రతి పిల్లాడి ఊహల ప్రపంచం ఎంతో రంగులమయం, అమాయకం. కానీ, చదువుల పేరుతో పెద్దలు వారిపై మోపే అంచనాలు, నిరంతరం వెంటాడే ఒత్తిడి ఆ లేత మనసులను ఎంతగా కుంగదీస్తాయో కళ్లకు కట్టే చిత్రమే ‘జయంత్ అండ్ ద జింగో పెన్’ (Jayanth and the Jingo Pen). బాలల దినోత్సవం (నవంబర్ 14) కానుకగా ప్రేక్షకుల ముందుకు వచ్చిన ఈ సున్నితమైన భావోద్వేగాల చిత్రం కేవలం పిల్లలను అలరించడమే కాకుండా, ప్రతి తల్లిదండ్రినీ, ఉపాధ్యాయుడినీ ఆలోచింపజేసేలా తెరకెక్కింది. నమో జయం ప్రొడక్షన్స్ పతాకంపై దివ్య ప్రవీణ్ బొలిశెట్టి ఎంతో ప్రతిష్టాత్మకంగా నిర్మించిన ఈ చిత్రానికి, జాతీయ అవార్డు గ్రహీత నవీన్ దేశబోయిన తనదైన శైలిలో అద్భుతమైన దృశ్యరూపం ఇచ్చారు. మరి ఈ సరికొత్త బాలల చిత్రం ప్రేక్షకులను ఏ స్థాయిలో ఆకట్టుకుందో ఈ సమీక్షలో పూర్తిగా తెలుసుకుందాం!

కథ
జయంత్ (మాస్టర్ జయంత్ బొలిశెట్టి)కి మ్యాథ్స్ అంటే విపరీతమైన భయం. స్కూల్లో లెక్కల మాస్టారు హర్ష (సత్యం రాజేష్) పెట్టే కఠినమైన శిక్షలు, చుట్టూ ఉన్నవాళ్ల ఎగతాళి కారణంగా జయంత్ నిత్యం ఒత్తిడికి గురవుతుంటాడు. జయంత్ అల్లరి వల్ల అతని తల్లిదండ్రులు (ఆశిష్ గాంధీ, మానస రాధాకృష్ణన్) సమాజంలో ఇబ్బందులు ఎదుర్కొంటుంటారు. ఇలాంటి సమయంలో జయంత్ చేతికి ఒక రహస్యమైన ‘జింగో పెన్’ దొరుకుతుంది. ఆ పెన్ సహాయంతో జయంత్ జీవితం ఎలా మలుపు తిరిగింది? ఆ పెన్ వెనుక ఉన్న అసలు రహస్యం ఏమిటి? తాతయ్య (తనికెళ్ల భరణి), ఊహా రెడ్డి, ప్రిన్సిపాల్ (కాశీ విశ్వనాథ్) పాత్రల ప్రాధాన్యత ఏంటి? అనేదే ఈ చిత్ర అసలు కథ.

విశ్లేషణ
పిల్లల మానసిక స్థితిగతులు, ఉపాధ్యాయులు మరియు తల్లిదండ్రుల బాధ్యతను ఈ సినిమా కళ్లకు కట్టినట్లు చూపించింది. దర్శకుడు నవీన్ దేశబోయిన ఎక్కడా బోర్ కొట్టించకుండా కథను చాలా సహజంగా నడిపించారు.
ప్రథమార్థం పూర్తి వినోదాత్మకంగా, నవ్వులు పూయిస్తూ సాగుతుంది. జయంత్ చేసే అల్లరి చేష్టలు, దేవుడి గురించి అతను అడిగే అమాయకపు ప్రశ్నలు, ఊహాతో వచ్చే సన్నివేశాలు ఎంతో క్యూట్‌గా ఉంటాయి. ద్వితీయార్థం జింగో పెన్ ఎంట్రీతో కథ మరింత ఆసక్తికరంగా మారుతుంది. అయితే, కేవలం వినోదానికే పరిమితం కాకుండా భావోద్వేగాలకు పెద్దపీట వేశారు. స్కూల్ బస్ ప్రమాదం, ఓటమిని కూడా సెలెబ్రేట్ చేసుకోవాలనే సందేశం, తాత-మనవళ్ల మధ్య వచ్చే సన్నివేశాలు కంటతడి పెట్టిస్తాయి. క్లైమాక్స్ ఎటువంటి అసభ్యతకు తావులేకుండా, ఒక మంచి సందేశంతో సినిమాను ముగించిన తీరు ప్రతి ఒక్కరినీ ఆలోచింపజేస్తుంది.

నటీనటులు
మాస్టర్ జయంత్ బొలిశెట్టి తన తొలి చిత్రంతోనే అద్భుతమైన నటనతో ఆకట్టుకున్నాడు. నవ్వుతూ, ఏడుస్తూ, ఆలోచింపజేస్తూ ప్రేక్షకులను తన పాత్రలో లీనం చేశాడు. తండ్రిగా ఆశిష్ గాంధీ సహజమైన నటన కనబరిచారు. తల్లిగా మానస తన పరిధి మేరకు బాగా నటించారు. తనికెళ్ల భరణి, కాశీ విశ్వనాథ్, అశోక్ కుమార్ తమ అనుభవంతో చిత్రానికి బలాన్ని చేకూర్చారు. లెక్కల మాస్టారుగా సత్యం రాజేష్ పాత్ర చాలా కీలకం, ఆయన నటన సినిమాను మరో స్థాయికి తీసుకెళ్లింది. బేబీ ఊహా మరియు మిగతా బాల నటీనటులు తమ అల్లరితో నవ్విస్తూనే చక్కటి నటనను ప్రదర్శించారు.

సాంకేతిక వర్గం
సినిమాకు సంగీతం మరియు నేపథ్య సంగీతం చాలా లైవ్లీగా సాగాయి. ప్రవీణ్ బొలిశెట్టి అందించిన పాటలు కథకు తగినట్లుగా ఉన్నాయి. సినిమాటోగ్రఫీ విజువల్స్ చాలా రిచ్‌గా, నేచురల్‌గా ఉన్నాయి. సంభాషణలు హృదయాన్ని హత్తుకునేలా ఉన్నాయి. కొత్త నిర్మాత అయినప్పటికీ దివ్య ప్రవీణ్ బొలిశెట్టి ఎక్కడా రాజీ పడకుండా అత్యుత్తమ నిర్మాణ విలువలతో ఈ చిత్రాన్ని అందించారు.

చివ‌రిగా.. ‘జయంత్ అండ్ ద జింగో పెన్’ కేవలం పిల్లల కోసం మాత్రమే కాదు, ప్రతి తల్లిదండ్రులు మరియు ఉపాధ్యాయులు తప్పుకుండా చూడాల్సిన చిత్రం. పిల్లలను ఎలా అర్థం చేసుకోవాలో ఈ సినిమా చక్కటి సందేశాన్ని ఇస్తుంది.

రేటింగ్: 3