Jabardasth Pavithraa | జబర్దస్త్‌ కమెడియన్‌ కారుకు ప్రమాదం.. వీడియోను షేర్‌ చేసిన పవిత్ర

Jabardasth Pavithraa | జబర్దస్త్ కమెడియన్ పవిత్ర ప్రయాణిస్తున్న కారుకు ప్రమాదం జరిగింది. ఈ నెల 11న సొంతూరులో ఓటు వేసేందుకు వెళ్తుండగా ప్రమాదం జరిగిందని.. ఈ ఘటనలో స్వల్ప గాయాలతో బయటపడినట్లు చెప్పింది.

Jabardasth Pavithraa | జబర్దస్త్ కమెడియన్ పవిత్ర ప్రయాణిస్తున్న కారుకు ప్రమాదం జరిగింది. ఈ నెల 11న సొంతూరులో ఓటు వేసేందుకు వెళ్తుండగా ప్రమాదం జరిగిందని.. ఈ ఘటనలో స్వల్ప గాయాలతో బయటపడినట్లు చెప్పింది. వేగంగా వెళ్తున్న కారు అదుపు తప్పి పక్కనే పొదల్లోకి దూసుకెళ్లింది. దాంతో కారు ముందు టైర్‌ ఊడిపోయింది. అలాగే, కారు దెబ్బతిన్నది. రోడ్డు ప్రమాదానికి సంబంధించిన వీడియోను షేర్‌ చేస్తూ.. సంఘటన జరిగిన సమయంలో ప్రాణాలతో బయటపడతాననే నమ్మకం లేదంటూ ఎమోషనల్‌ వీడియోను షేర్‌ చేసింది. ఇదిలా ఉండగా.. జబర్దస్త్‌ ద్వారా పవిత్ర మంచి గుర్తింపు తెచ్చుకున్నది.

పలు టీవీ షోలతో పాటు యూట్యూబ్‌ ఛానల్‌తో సందడి చేస్తుంది. ఇటీవల జరిగిన సార్వత్రిక ఎన్నికల నేపథ్యంలో ఓటు వేసేందుకు హైదరాబాద్‌ నుంచి స్వస్థలం సోమశిలకు కారులో బయలుదేరింది. ప్రమాదం జరిగిన సమయంలో పవిత్రతో పాటు కారులో బంధువులు సైతం ఉన్నారు. నెల్లూరు ఉప్పలపాడు హైవే వద్ద ఎదురుగా వచ్చిన మరో కారు పవిత్ర కారును ఢీకొట్టింది. దీంతో కారు ముందు టైర్‌ ఊడిపోయి రోడ్డు పక్కనే ఉన్న పొదల్లోకి దూసుకెళ్లింది. సమయానికి కారులోని ఎయిర్‌ బెలూన్‌ తెరుచుకోవడంతో ప్రమాదం తప్పింది. చిన్న గాయాలతో బయటపడ్డామని చెప్పింది. పిన్ని, పిల్లలందరూ ప్రాణాలతో బయటపడ్డామని.. మళ్లీ ఘటన తలుచుకుంటేనే భయమేస్తుందని తెలిపింది. ఎంతో కష్టపడి కొనుగోలు చేసిన కారు పూర్తిగా నాశనమైందని ఆవేదన వ్యక్తం చేసింది.