కన్నడంలో ‘కిరిక్ పార్టీ’ అనే చిన్న చిత్రంతో కెరీర్ను ఆరంభించిన కన్నడ సొగసరి రష్మిక మందన్న అనతికాలంలోనే తారాపథంలో దూసుకుపోయింది. దక్షిణాదితో పాటు హిందీలో కూడా పేరు తెచ్చుకుంది. అయితే కెరీర్పరంగా తాను ఎన్నో విజయాలు సాధించినా తల్లిదండ్రులు మాత్రం తన గురించి ఏ మాత్రం గర్వపడటం లేదని చెప్పింది రష్మిక మందన్న. ఇటీవల ఇచ్చిన ఓ ఇంటర్వ్యూలో ఆమె మాట్లాడుతూ ‘మా కుటుంబానికి ఎలాంటి సినీ నేపథ్యం లేదు. అమ్మనాన్న కూడా సినిమాల గురించి అంతగా పట్టించుకోరు.
ఇండస్ట్రీ మీద వారికి పెద్దగా అవగాహన లేదు కాబట్టి నా విజయాల్ని చూసి ఏమాత్రం పొంగిపోరు. అయితే ఏదైనా అవార్డు వచ్చిందని చెబితే సంతోషపడతారు. పాఠశాల రోజుల్లో మా కుటుంబం ఎన్నో ఆర్థిక ఇబ్బందుల్ని ఎదుర్కొంది. వ్యాపారాల్లో నష్టం వచ్చి నాన్న బాధపడిన సందర్భాలెన్నో ఉన్నాయి. అందుకే నా తల్లిదండ్రులు గర్వించేలా మరిన్ని విజయాలు సాధించాలనుకుంటున్నా. కెరీర్లో సాధించాల్సింది ఇంకా చాలా ఉంది’ అని చెప్పుకొచ్చింది. ప్రస్తుతం ఈ భామ తెలుగులో ‘పుష్ప-2’ చిత్రంలో నటిస్తున్నది.