ధర్మం పతనమైనప్పుడు పరశువు ఉదయిస్తాడు

కేజీఎఫ్‌, కాంతారా, సలార్‌, మహావతార్‌ నరసింహ.. ఇలా వరుస బ్లాక్‌బాస్టర్స్‌తో సినిమా స్థాయిని పెంచిన నిర్మాణ సంస్థ హోంబలే ఫిల్మ్స్‌ నుంచి రాబోతున్న మరో యానిమేటెడ్‌ దృశ్యకావ్యం ‘మహావతార్‌ పరశురామ్‌'. ‘When Dharma Falls, the Parshu Rises’ అనేది ఉపశీర్షిక.

కేజీఎఫ్‌, కాంతారా, సలార్‌, మహావతార్‌ నరసింహ.. ఇలా వరుస బ్లాక్‌బాస్టర్స్‌తో సినిమా స్థాయిని పెంచిన నిర్మాణ సంస్థ హోంబలే ఫిల్మ్స్‌ నుంచి రాబోతున్న మరో యానిమేటెడ్‌ దృశ్యకావ్యం ‘మహావతార్‌ పరశురామ్‌’. ‘When Dharma Falls, the Parshu Rises’ అనేది ఉపశీర్షిక. పరశురామ జయంతి సందర్భంగా ‘మహావతార్‌’ సినీమాటిక్‌ యూనివర్స్‌ని ప్రజెంట్‌ చేస్తూ ఈ సినిమా టైటిల్‌ పోస్టర్‌ని, గ్లింప్స్‌ని ఆదివారం మేకర్స్‌ విడుదల చేశారు. గొడ్డలి చేతబట్టి నరమేధాన్ని సృష్టిస్తున్న పరశురాముడ్ని ఈ పోస్టర్‌లో చూడొచ్చు.

పరశురాముడి ముఖాన్ని చూపించకుండా, ఆయన చేతిలో రక్తంతో తడిసిన పరశును(గొడ్డలి), రక్తంతో తడిచి ముద్దయిన యుద్ధభూమిని, దూరంగా భీతితో చూస్తున్న సైన్యాన్ని పోస్టర్‌లో చూపిస్తూ కథపై మరింత ఆసక్తిని పెంచారు మేకర్స్‌. మహావిష్ణు అవతారాల నుంచి స్ఫూర్తి పొందిన ఈ కథ మోడ్రన్‌ విజువల్‌ వండర్‌గా, గ్రేట్‌ సినిమాటిక్‌ ఎక్స్‌పీరియన్స్‌తో అలరిస్తుందని మేకర్స్‌ చెబుతున్నారు. సామ్‌ సిఎస్‌ ఈ చిత్రానికి సంగీత దర్శకుడు.