Arundhathi Nakshatram | ‘ది గ్రేట్ ప్రీ వెడ్డింగ్ షో’ మేకర్స్తో ఆది సాయి కుమార్ కొత్త సినిమా.. ‘అరుంధతి నక్షత్రం’ ఘనంగా ప్రారంభం!
AadiSaikumar | టాలీవుడ్ యంగ్ హీరో ఆది సాయికుమార్ నూతన సినిమా 'అరుంధతి నక్షత్రం' హైదరాబాద్లో పూజా కార్యక్రమాలతో అత్యంత వైభవంగా లాంఛనంగా ప్రారంభమైంది.
టాలీవుడ్ యంగ్ హీరో ఆది సాయికుమార్ నూతన సినిమా ‘అరుంధతి నక్షత్రం’ హైదరాబాద్లో పూజా కార్యక్రమాలతో అత్యంత వైభవంగా లాంఛనంగా ప్రారంభమైంది. వైవిధ్యమైన కథాంశాలతో దూసుకుపోతున్న ఆది సాయికుమార్ కెరీర్లో ఇది 28వ సినిమాగా తెరకెక్కుతుండటం విశేషం. ఈ చిత్రంలో మేఘ శెట్టి, మధు దామరాజు హీరోయిన్లుగా నటిస్తున్నారు. ‘ది గ్రేట్ ప్రీ వెడ్డింగ్ షో’ చిత్రంతో బ్లాక్బస్టర్ విజయాన్ని సొంతం చేసుకున్న 7 పి.ఎం. ప్రొడక్షన్స్ మరియు శ్రీ చక్ర మూవీస్ ఎల్ఎల్పి బ్యానర్లు సంయుక్తంగా ఈ చిత్రాన్ని నిర్మిస్తున్నాయి. అదే చిత్రానికి దర్శకత్వం వహించిన రాహుల్ శ్రీనివాస్ ఈ సినిమాకు కూడా దర్శకత్వం వహిస్తున్నారు. సందీప్ అగరం, అష్మిత రెడ్డి బాసాని, డా. సూర్యకాంతి కూచిభొట్ల ఈ సినిమాను సంయుక్తంగా నిర్మిస్తున్నారు.
హైదరాబాద్లో జరిగిన ఈ సినిమా ప్రారంభోత్సవ వేడుకకు ప్రముఖ నటుడు సాయికుమార్ ముఖ్య అతిథిగా విచ్చేసి, ముహూర్తపు సన్నివేశానికి క్లాప్ కొట్టారు. ప్రముఖ నిర్మాతలు రమేష్ పుప్పాల, సూర్యకాంతి కూచిభొట్ల కెమెరా స్విచ్ ఆన్ చేయగా, చిత్ర నిర్మాతలు దర్శకుడికి స్క్రిప్ట్ అందజేశారు. ఈ సందర్భంగా మేకర్స్ విడుదల చేసిన స్పెషల్ వీడియో గ్లింప్స్ సినిమాపై అంచనాలను పెంచేలా ఉంది. ‘ది గ్రేట్ ప్రీ వెడ్డింగ్ షో’ సినిమాను గుర్తుచేసే విధంగా మెమరీ కార్డ్లోని ఫోటోలను పోస్టర్లుగా ముద్రించి ఈ సినిమాను రూపొందిస్తున్నట్లు వీడియో ద్వారా తెలియజేశారు. ఈ అనౌన్స్ మెంట్ గ్లింప్స్ చూస్తుంటే ఇదొక చక్కటి రూరల్ ఫ్యామిలీ డ్రామా నేపథ్యంలో సాగే చిత్రమని స్పష్టమవుతోంది.
ఈ నెలలోనే ఈ సినిమా రెగ్యులర్ షూటింగ్ను ప్రారంభించనున్నట్లు నిర్మాతలు వెల్లడించారు. తమ నిర్మాణ సంస్థలకు మరింత పేరు తెచ్చేలా ఈ చిత్రాన్ని అత్యున్నత విలువలతో నిర్మిస్తున్నామని వారు తెలిపారు. ఆది సాయికుమార్ కథానాయకుడిగా నటిస్తున్న ఈ చిత్రంలో ఇతర కీలక పాత్రల్లో పలువురు ప్రముఖ నటీనటులు కనిపించనున్నారు. త్వరలోనే చిత్రానికి సంబంధించిన మరిన్ని వివరాలను అధికారికంగా వెల్లడించనున్నారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
చింతాబాబు మాదిగకు డాక్టర్ బి.ఆర్.అంబేద్కర్ నేషనల్ అవార్డు
Puspayagam | తిరుమల శ్రీవారి ఆలయంలో వైభవంగా పుష్పయాగం
BRS Australia | దీక్షా దివస్ స్పెషల్.. ఆస్ట్రేలియా వ్యాప్తంగా బీఆర్ఎస్ ఆధ్వర్యంలో రక్తదాన శిబిరాలు
ఆర్యవైశ్యుల సంక్షేమానికి కృషి : పైడిమర్రి నారాయణరావు
Eyes | చలికాలంలో కళ్లలో ఈ లక్షణాలు కనిపిస్తే జాగ్రత్త.. వైద్య పరీక్షలు చేయించాల్సిందే.. ఎందుకంటే..?
ట్రెండింగ్ వార్తలు
China flies electric plane | 19 సీట్ల ఎలక్ట్రిక్ విమానం.. విజయవంతంగా నడిపి పరీక్షించిన చైనా
Watch: వేగంగా వస్తున్న కారు నుంచి తప్పించుకునేందుకు మహిళ యత్నం.. ఆ తర్వాత ఏం జరిగిందంటే?
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video

