Sai Pallavi No Gym | నో జిమ్ ఓన్లీ డ్యాన్స్ అంటున్న త‌మిళ సోయ‌గం

ద‌క్షిణాది ప్రేక్ష‌కుల‌ను ఫిదా చేసిన హీరోయిన్ సాయిప‌ల్ల‌వి (Sai Pallavi). ఈ భామ హీరోయిన్ అయ్యే కంటే ముందు మంచి డ్యాన్స‌ర్ అని ప్ర‌త్యేకించి చెప్ప‌న‌వ‌స‌రం లేదు.

October 27, 2021 / 06:04 PM IST

Sai Pallavi No Gym | నో జిమ్ ఓన్లీ డ్యాన్స్ అంటున్న త‌మిళ సోయ‌గం

ద‌క్షిణాది ప్రేక్ష‌కుల‌ను ఫిదా చేసిన హీరోయిన్ సాయిప‌ల్ల‌వి (Sai Pallavi). ఈ భామ హీరోయిన్ అయ్యే కంటే ముందు మంచి డ్యాన్స‌ర్ అని ప్ర‌త్యేకించి చెప్ప‌న‌వ‌స‌రం లేదు. ఈ త‌మిళ సోయ‌గం తెలుగు హీరోయిన్ల కంటే చ‌క్క‌గా డైలాగ్స్ చెప్తూ అంద‌రినీ క‌ట్టిపడేస్తుంది. ఫిదా, ల‌వ్ స్టోరీ సినిమాల్లో ఆర‌ణాల తెలుగు పిల్ల‌గా క‌నిపించి మెస్మ‌రైజ్ చేసింది సాయిప‌ల్ల‌వి. సాధార‌ణంగా హీరోయిన్లంటే త‌ర‌చూ జిమ్ (Sai Pallavi Gym) కు వెళ్ల‌డం ఫిట్‌నెస్ టిప్స్ ఫాలో అవ‌డం చేస్తుంటార‌ని తెలిసిందే.

అయితే జిమ్‌కు వెళ్ల‌ని హీరోయిన్ ఎవ‌రైనా ఉన్నారా..? అంటే అది సాయిప‌ల్ల‌వి అని చెప్పాల్సిందే. మ‌రి హీరోయిన్ క‌దా..ఫిట్‌నెస్ మెయింటైన్ చేయ‌క‌పోతే ఎలా అనే క‌దా మీ డౌటు. సాయిప‌ల్ల‌వి ఫిట్‌నెస్ ర‌హ‌స్యం ఒక‌టుంది. అదేంటో కాదు. డ్యాన్స్ (Dance). అవును. జిమ్‌లో చేసే వ‌ర్క‌వుట్స్ తో పోలిస్తే డ్యాన్స్ తో ఖ‌ర్చ‌య్యే కాల‌రీలు త‌క్కువేం కాదు. త‌నరోజూ వారి టైం టేబుల్‌లో ఎప్పుడైనా ఒత్తిడిగా ఫీలైనా, ఫిట్‌గా ఉండాల‌నుకున్నా డ్యాన్స్ చేస్తుంద‌ట సాయిప‌ల్ల‌వి.

షూటింగ్స్ విరామంలో త‌న‌ను తాను ఫిట్‌గా ఉంచుకునేందుకు డ్యాన్స్ చేసేందుకు ఎక్కువ‌గా ఇష్ట‌ప‌డుతుంట‌. 30 నిమిషాలు వ‌ర్క‌వుట్స్ (workouts) చేయ‌డం క‌న్నా డ్యాన్స్ చేస్తే సుమారు 400కాల‌రీలు ఖ‌ర్చ‌వుతాయ‌ని నిపుణుల అంచ‌నా. ఇలా డ్యాన్స్ చేయ‌డం వ‌ల్ల త‌న‌లోని నెగెటివ్ వైబ్స్ ను దూరం పెడుతుంది సాయిప‌ల్ల‌వి.

మ‌రో ఆస‌క్తిక‌ర విష‌య‌మేంటంటే సాయిప‌ల్ల‌వి శాఖాహారి. స్వ‌చ్చ‌మైన శాఖాహార భోజ‌నానికి ఎక్కువ ఇష్ట‌ప‌డ‌టం కూడా సాయిప‌ల్ల‌వి అందం వెనుకున్న ర‌హ‌స్య‌మ‌ని చెప్ప‌క త‌ప్ప‌దు.