దశావతారాల కథ ‘హైందవ’

బెల్లంకొండ సాయిశ్రీనివాస్‌ హీరోగా లుధీర్‌ బైరెడ్డి దర్శకత్వంలో రూపొందుతున్న మిస్టికల్‌ డివోషనల్‌ థ్రిల్లర్‌ ‘హైందవ’ నవంబర్‌ 27న విడుదలకానుంది. మహేష్‌ చందు నిర్మాత. సంయుక్త మీనన్‌ కథానాయిక.

బెల్లంకొండ సాయిశ్రీనివాస్‌ హీరోగా లుధీర్‌ బైరెడ్డి దర్శకత్వంలో రూపొందుతున్న మిస్టికల్‌ డివోషనల్‌ థ్రిల్లర్‌ ‘హైందవ’ నవంబర్‌ 27న విడుదలకానుంది. మహేష్‌ చందు నిర్మాత. సంయుక్త మీనన్‌ కథానాయిక. బుధవారం టీజర్‌ను ఆవిష్కరించారు. రంగాపురం అనే గ్రామంలోని పురాతన ఆలయంలో విగ్రహాలన్నీ మాయం అవుతాయి. అదే సమయంలో గ్రామంలో ఓ వ్యక్తి హత్యకు గురవుతాడు. ఈ కేసుని పరిశోధించడానికి దేవుడిపై నమ్మకం లేని ఓ పోలీస్‌ అధికారిని నియమిస్తారు.

ఈ నేపథ్యంలో చోటుచేసుకునే ఆసక్తికరమైన సంఘటనలతో టీజర్‌ ఆద్యంతం ఆసక్తిని పెంచింది. అద్భుతమైన కథ, విజువల్స్‌తో కూడిన మిస్టికల్‌ థ్రిల్లర్‌ ఇదని, ప్రేక్షకులకు గొప్ప థియేట్రికల్‌ ఎక్స్‌పీరియన్స్‌ని అందిస్తుందని హీరో బెల్లంకొండ సాయి శ్రీనివాస్‌ తెలిపారు. దశావతార గుడి నేపథ్యంలో జరిగే కథ ఇదని దర్శకుడు పేర్కొన్నారు.