‘ఓ క్రైమ్ కామెడీని ఫ్యామిలీ నేపథ్యంలో తీస్తే ఎలా ఉంటుందనే ఆలోచనలోంచి ఈ సినిమా కథ పుట్టింది. ప్రేక్షకులందరిని నిజాయితీగా నవ్వించడానికి చేసిన ప్రయత్నమిది’ అన్నారు సందీప్కిషన్. ఆయన కథానాయకుడిగా నటించిన చిత్రం ‘గల్లీ రౌడీ’. జి. నాగేశ్వరరెడ్డి దర్శకుడు. కోన ఫిల్మ్ కార్పొరేషన్, ఎంవీవీ సినిమా పతాకాలపై ఎం.వి.వి.సత్యనారాయణ నిర్మించారు. నేడు ప్రేక్షకులముందుకొస్తున్నది. బుధవారం ప్రీరిలీజ్ వేడుకను నిర్వహించారు. సందీప్కిషన్ మాట్లాడుతూ “ఏ1 ఎక్స్ప్రెస్’ తర్వాత అందరు సరదాగా నవ్వుకునే సినిమా చేయాలనుకున్నా.
ఈ కథ నచ్చడంతో వెంటనే పట్టాలెక్కించాం. చిరంజీవిగారు ట్రైలర్ చూసి ఇలాంటి పాత్రలు నీకు బాగా కుదురుతాయని మెచ్చుకోవడం ఆనందంగా అనిపించింది. థియేటర్లో సినిమాను చూసి అందరూ ఎంజాయ్ చేయండి’ అన్నారు. తన కెరీర్లో ఈ సినిమా బిగ్గెస్ట్ హిట్గా నిలుస్తుందనే నమ్మకముందని దర్శకుడు నాగేశ్వరరెడ్డి తెలిపారు. చిత్ర సమర్పకుడు కోన వెంకట్ మాట్లాడుతూ ‘విష్ణు, రామ్, మహేష్బాబు, ఎన్టీఆర్తో నేను చేసిన తొలి చిత్రాలు ఢీ, రెఢీ, దూకుడు, అదుర్స్ ఘనవిజయం సాధించాయి. సందీక్కిషన్తో తొలిసారి చేసిన ఈ సినిమా అదే సెంటిమెంట్ను పునరావృతం చేస్తూ పెద్ద విజయం సాధిస్తుందని నమ్ముతున్నా’ అని పేర్కొన్నారు. ఆద్యంతం హాస్యప్రధానంగా ఆకట్టుకునే చిత్రమిది.. సినిమా విజయం తథ్యమని నిర్మాత చెప్పారు.