Oscar Missing | పూజ కార్యక్రమాలతో ఘనంగా ప్రారంభ‌మైన‌ ‘ఓస్కార్ మిస్సింగ్’!

Oscar Missing | శ్రీమతి మాత రాజేశ్వరి సమర్పణలో భూమాత ఆర్ట్స్ పతాకంపై పసుపులేటి రాధాకృష్ణ, శివాని జంటగా చంద్రమౌళి పి.జి దర్శకత్వంలో తెరకెక్కుతున్న చిత్రం 'ఓస్కార్ మిస్సింగ్'.

Oscar Missing | శ్రీమతి మాత రాజేశ్వరి సమర్పణలో భూమాత ఆర్ట్స్ పతాకంపై పసుపులేటి రాధాకృష్ణ, శివాని జంటగా చంద్రమౌళి పి.జి దర్శకత్వంలో తెరకెక్కుతున్న చిత్రం ‘ఓస్కార్ మిస్సింగ్’. పవన్ మాత, నితిన్ మాత నిర్మాతలుగా వ్యవహరిస్తున్న ఈ సినిమా పూజ కార్యక్రమాలతో అత్యంత వైభవంగా ప్రారంభమైంది.

ఈ చిత్ర ప్రారంభోత్సవ వేడుక సందర్భంగా దర్శకుడు మాట్లాడుతూ, ఈ సినిమా మంచి కామెడీ ఎంటర్టైనర్‌గా ప్రేక్షకులను అలరిస్తుందని తెలిపారు. ఇందులో కొన్ని నిజ జీవిత పాత్రలు కూడా చోటుచేసుకుంటాయని, సినిమా ఆద్యంతం హాస్యభరితంగా ప్రేక్షకులను నవ్వించడమే ధ్యేయంగా ఈ చిత్రాన్ని రూపొందిస్తున్నట్లు చిత్ర దర్శక నిర్మాతలు వెల్లడించారు. ఈ సినిమా షూటింగ్‌ను రెండు షెడ్యూల్స్‌లో పూర్తి చేసి, డిసెంబర్ చివరి నాటికి షూటింగ్ ముగించుకుని వీలైనంత త్వరగా ప్రేక్షకుల ముందుకు తీసుకువస్తామని చిత్ర బృందం తెలిపింది. ఈ చిత్రంలో అలీ, చిత్రం శ్రీను, బిత్తిరి సత్తి, జబర్దస్త్ ఫణి, రాము, దుర్గారావు, శోభ తదితరులు కీలక పాత్రల్లో నటిస్తున్నారు.