Andaala Raasi Song | స్టైలిష్‌గా గోపీచంద్ డ్యాన్స్..’అందాల రాశి’ లిరిక‌ల్ సాంగ్

గోపిచంద్ 29వ సినిమాగా వ‌స్తున్న‌ పక్కా కమర్షియల్ (Pakka commercial)లో కోలీవుడ్ భామ రాశీ ఖన్నా హీరోయిన్‌గా న‌టిస్తోంది. తాజాగా ఈ మూవీ నుంచి అందాల రాశి (Andaala Raasi Song) లిరిక‌ల్ వీడియో సాంగ్‌ను మేక‌ర్స్ రిలీజ్ చేశారు.

టాలీవుడ్ యాక్ష‌న్ హీరో గోపీచంద్ (Gopichand), టాలెంటెడ్ డైరెక్ట‌ర్ మారుతి(maruthi) కాంబోలో వ‌స్తున్న ప్రాజెక్టు పక్కా కమర్షియల్ (Pakka commercial). గోపిచంద్ 29వ సినిమాగా వ‌స్తున్న‌ ఈ చిత్రంలో కోలీవుడ్ భామ రాశీ ఖన్నా హీరోయిన్‌గా న‌టిస్తోంది. తాజాగా ఈ మూవీ నుంచి అందాల రాశి (Andaala Raasi Song) లిరిక‌ల్ వీడియో సాంగ్‌ను మేక‌ర్స్ రిలీజ్ చేశారు. ‘అందాల రాశీ..మేక‌ప్ ఏసి నాకోస‌మొచ్చావే..స్వ‌ర్గంలో కేసే నా మీదేసి..భూమ్మీద మూసావే..’ అంటూ సాగుతున్న ఈ పాట మ్యూజిక్ ల‌వ‌ర్స్ ను ఆక‌ట్టుకునేలా ఉంది.

గోపీచంద్ ఈ సారి చాలా కొత్త‌గా స్టైలిష్‌లో క‌నిపిస్తూ..డ్యాన్స్ ఇర‌గ‌దీయ‌బోతున్నట్టు లేటెస్ట్ సాంగ్‌తో తెలిసిపోతుంది. జేక్స్ బిజోయ్ కంపోజ్ చేసిన ఈ పాట‌ను కృష్ణ‌కాంత్ రాశారు. సాయిచ‌ర‌ణ్ భాస్క‌రుణి, ర‌మ్య బెహెరా పాడారు. గీతాఆర్ట్స్ 2 పిక్చ‌ర్స్, యూవీ క్రియేష‌న్స్ బ్యాన‌ర్లపై బ‌న్నీవాసు (Bunny Vasu), వీ వంశీ కృష్ణా రెడ్డి, ప్ర‌మోద్ ఉప్ప‌ల‌పాటి నిర్మిస్తున్నారు.

కామెడీ ఎంట‌ర్ టైన‌ర్‌గా తెర‌కెక్కుతున్న ఈ మూవీలో స‌త్య‌రాజ్‌, అన‌సూయ భ‌రద్వాజ్‌, రావు ర‌మేశ్‌, స‌ప్త‌గిరి, సాయికృష్ణ‌, ర‌మ‌ణారెడ్డి కీ రోల్స్ లో న‌టిస్తున్నారు. ప‌క్కా క‌మ‌ర్షియ‌ల్ జులై 1 2022న థియేట‌ర్ల‌లో గ్రాండ్‌గా విడుద‌ల కానుంది.

Read Also : Ranbir Kapoor | వైజాగ్‌లో ‘బ్ర‌హ్మాస్త్ర’ ప్ర‌మోష‌న్స్..ర‌ణ్ బీర్‌కు ఘ‌న‌స్వాగ‌తం.వీడియో

 

Read Also :  Anand Mahindra | స‌ర్కారు వారి పాట చూసేందుకు న్యూజెర్సీకి వెళ‌తా..ఆనంద్ మ‌హీంద్రా ట్వీట్ వైర‌ల్