పక్కా కమర్షియల్ రిలీజ్ డేట్ కన్ఫర్మ్.. గోపీచంద్ వచ్చేది అప్పుడే..!

November 11, 2021 / 05:50 PM IST

pakka commercial release date | యాక్షన్ హీరోగా తనకంటూ ప్రత్యేక గుర్తింపు సంపాదించుకున్న గోపీచంద్.. ఇప్పుడు కమర్షియల్ రేంజ్ మరింత పెంచుకోవడానికి పక్కా కమర్షియల్ సినిమాతో వస్తున్నాడు. ఈ సినిమా అనౌన్స్ చేసిన రోజు నుంచి అంచనాలు భారీగా ఉన్నాయి. పైగా మినిమమ్ గ్యారంటీ దర్శకుడు మారుతి తెరకెక్కిస్తుండటంతో బిజినెస్ కూడా బాగానే జరుగుతుంది. మెగా ప్రొడ్యూస‌ర్ అల్లు అరవింద్ స‌మ‌ర్ప‌ణ‌లో స‌క్సెస్‌ఫుల్ బ్యాన‌ర్లుగా ముందుకు సాగుతున్న గీతా ఆర్ట్స్ 2 పిక్చ‌ర్స్ , యూవీ క్రియేష‌న్స్ క‌లిసి మోస్ట్ స‌క్సెస్‌ఫుల్ ప్రొడ్యూస‌ర్ బ‌న్నీ వాసు నిర్మాత‌గా ప‌క్కా క‌మ‌ర్షియ‌ల్ సినిమా వ‌స్తుంది. ఈ టైటిల్‌కు అటు ఇండ‌స్ట్రీ వ‌ర్గాల నుంచి ఇటు సాధార‌ణ ప్రేక్ష‌కుల వ‌ర‌కు అంత‌టా అనూహ్య స్పంద‌న ల‌భించ‌డం విశేషం. ఈ మ‌ధ్యే విడుద‌లైన ప‌క్కా క‌మ‌ర్షియ‌ల్ టీజ‌ర్‌కు అద్భుత‌మైన రెస్పాన్స్ వ‌చ్చింది. తాజాగా ఈ సినిమా విడుద‌ల తేదీని ప్ర‌క‌టించారు ద‌ర్శ‌క నిర్మాత‌లు.

వ‌చ్చే ఏడాది మార్చి 18న ప‌క్కా క‌మ‌ర్షియ‌ల్ సినిమా ప్ర‌పంచ‌వ్యాప్తంగా విడుద‌ల కానుంది. ఈ సినిమాలో గోపీచంద్ క్యారెక్ట‌ర్‌ను మారుతి అద్భుతంగా డిజైన్ చేశారు. కెరీర్‌లో ఎప్పుడూ లేనంత కొత్త‌గా గోపీచంద్ చాలా స్టైలిష్‌గా క‌నిపిస్తున్నాడు. భ‌లే భ‌లే మ‌గాడివోయ్‌, టాక్సీవాలా, ప్ర‌తిరోజు పండ‌గే వంటి విజ‌యాల‌తో అప‌జ‌య‌మే లేని గీతా ఆర్ట్స్ 2 పిక్చ‌ర్స్‌, యూవీ క్రియేష‌న్స్ , బ‌న్నీ వాసు కాంబినేష‌న్‌లో ప‌క్కా క‌మ‌ర్షియ‌ల్ సినిమా వ‌స్తుంది. పైగా ఈ బ్యానర్స్ నుంచి వ‌చ్చిన‌ భ‌లే భ‌లే మ‌గాడివోయ్‌, ప్ర‌తిరోజు పండ‌గే సినిమాల‌కు మారుతినే ద‌ర్శ‌క‌త్వం వ‌హించ‌డం విశేషం. ప్రతి రోజు పండగే సినిమా తర్వాత సత్యరాజ్ మరోసారి ఈ సినిమాలో కీలక పాత్రలో నటిస్తున్నారు. ఈ సినిమాలో రాశీ ఖన్నా హీరోయిన్‌గా నటిస్తోంది. ఈ చిత్రానికి జ‌కేస్ బీజాయ్ సంగీతాన్ని అందిస్తున్నారు. SKN సహ నిర్మాత‌. మరిన్ని వివరాలు త్వరలోనే చిత్ర యూనిట్ తెలియజేయనున్నారు. మంచిరోజులు వచ్చాయి సినిమాతో ఊహించని విధంగా దెబ్బ తిన్నాడు మారుతి. ఈ సినిమాకు దర్శకుడిగా పేరు వేసుకుని తప్పు చేశాడు అంటూ ఆయన అభిమానులు కూడా సోషల్ మీడియాలో ఫీల్ అవుతున్నారు. ఇలాంటి సమయంలో పక్కా కమర్షియల్ సినిమాతో తన రేంజ్ చూపించడానికి వస్తున్నాడు ఈ దర్శకుడు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి