Mokshagna Debut | నందమూరి అభిమానులకు గుడ్ న్యూస్.. మోక్షజ్ఞ ఎంట్రీ ఆ సినిమాతోనే.!

Nandamuri Balakrishna | నందమూరి అభిమానులు ఎంతోకాలంగా ఆసక్తిగా ఎదురుచూస్తున్న నందమూరి వారసుడు మోక్షజ్ఞ సినీ రంగ ప్రవేశంపై చివరకు క్లారిటీ వ‌చ్చిన‌ట్లు తెలుస్తుంది.

Aditya 999 Max | నందమూరి అభిమానులు ఎంతోకాలంగా ఆసక్తిగా ఎదురుచూస్తున్న నందమూరి వారసుడు మోక్షజ్ఞ సినీ రంగ ప్రవేశంపై చివరకు క్లారిటీ వ‌చ్చిన‌ట్లు తెలుస్తుంది. మోక్షజ్ఞ పరిచయమయ్యే చిత్రంపై ఆయన తండ్రి, నటసింహం నందమూరి బాలకృష్ణ తాజాగా కీలక ప్రకటన చేశారు. గోవాలో జరుగుతున్న అంతర్జాతీయ చలనచిత్రోత్సవం ‘ఇఫీ’ (IFFI) వేడుకల్లో బాలకృష్ణ ఈ విషయాన్ని వెల్లడించారు. తన కెరీర్‌లో క్లాసిక్ హిట్‌గా నిలిచిన ‘ఆదిత్య 369’ సినిమాకు కొనసాగింపుగా రూపొందనున్న ‘ఆదిత్య 999 మ్యాక్స్’ చిత్రంతోనే మోక్షజ్ఞ కథానాయకుడిగా పరిచయం కానున్నట్లు ఆయన తెలిపారు.

ఇదివరకే ప్రశాంత్ వర్మ దర్శకత్వంలో మోక్షజ్ఞ ఒక సినిమా చేయనున్నట్లు ప్రకటించినా, కొన్ని కారణాల వల్ల ఆ ప్రాజెక్టు కార్యరూపం దాల్చలేదు. తాజా సమాచారం ప్రకారం, ‘ఆదిత్య 999 మ్యాక్స్’ సినిమాకు ప్రముఖ దర్శకుడు క్రిష్ జాగర్లమూడి దర్శకత్వం వహించనున్నట్లు తెలుస్తోంది. ప్రస్తుతం క్రిష్ ఈ సినిమా స్క్రిప్ట్ పనుల్లోనే నిమగ్నమై ఉన్నట్టు సమాచారం. ‘ఆదిత్య 369’ తరహాలోనే ఇది కూడా టైమ్ ట్రావెల్ కథాంశంతో రూపొందే అవకాశం ఉండటంతో, మోక్షజ్ఞ ఎంట్రీ సినిమాపై నందమూరి అభిమానుల్లో భారీ అంచనాలు నెలకొన్నాయి. ‘ఆదిత్య 999 మ్యాక్స్’ ద్వారా తండ్రీకొడుకులు ఇద్దరూ ఒకే ఫ్రాంఛైజీతో ప్రేక్షకులను అలరించబోతున్నందుకు అభిమానులు హర్షం వ్యక్తం చేస్తున్నారు. పూర్తి వివరాలు, అధికారిక ప్రకటన త్వరలోనే వెలువడే అవకాశం ఉంది.