Visit:
Game Changer | మెగా అభిమానులు ఎప్పుడెప్పుడా అని ఎదురుచూస్తున్న స‌మ‌యం రాబోతున్న‌ట్లు తెలుస్తుంది. ‘గేమ్ ఛేంజర్ టీజ‌ర్ ఎప్పుడు వ‌స్తుందా అని వెయిట్ చేస్తున్న మెగా ఫ్యాన్స్‌కు మేక‌ర్స్ గుడ్ న్యూస్ చెప్ప‌బోతున్న‌ట్లు స‌మాచారం. ఈ మూవీ టీజ‌ర్‌ను దీపావళికి ప్లాన్ చేస్తున్న‌ట్లు టాక్. కాగా దీనిపై అధికారిక ప్ర‌క‌ట‌న రావాల్సి ఉంది. గ్లోబ‌ల్ స్టార్ రామ్ చ‌ర‌ణ్ తేజ్‌, దిగ్గ‌జ ద‌ర్శ‌కుడు శంక‌ర్ కాంబినేష‌న్‌లో వ‌స్తున్న తాజా చిత్రం గేమ్ ఛేంజర్. ఈ సినిమాను అగ్ర నిర్మాత దిల్ రాజు నిర్మిస్తుండ‌గా.. థ‌మ‌న్ సంగీతం అందిస్తున్నాడు. ఈ సినిమా సంక్రాంతి కానుక‌గా జ‌న‌వ‌రి 10న ప్రేక్ష‌కుల ముందుకు రానుంది.
అయితే ఈ మూవీ టీజ‌ర్ కోసం మెగా అభిమానుల‌తో పాటు మూవీ ల‌వ‌ర్స్ ఎదురుచూస్తున్న విష‌యం తెలిసిందే. ముందుగా ద‌స‌రా కానుక‌గా టీజ‌ర్‌ను విడుద‌ల చేద్దాం అనుకున్నారు కానీ అనుకోని కార‌ణాల వ‌ల‌న వాయిదా ప‌డింది. అయితే ఇప్పుడు దీపావ‌ళి కానుక‌గా ఈ టీజ‌ర్ విడుద‌ల చేయ‌డానికి మేక‌ర్స్ ప్లాన్ చేస్తున్న‌ట్లు స‌మాచారం. భారీ బ‌డ్జెట్‌తో రాబోతున్న ఈ చిత్రంలో బాలీవుడ్ బ్యూటీ కియార అద్వానీ క‌థానాయిక‌గా న‌టిస్తుండ‌గా.. సునీల్, ఎస్ జే సూర్య కీల‌క పాత్ర‌ల్లో న‌టిస్తున్నారు.
