Game Changer | జరగండి జరగండి.. జాబిలమ్మ జాకెట్టేసుకొచ్చింది
అగ్ర కథానాయకుడు రామ్‌చరణ్‌ బుధవారం తన జన్మదినోత్సవాన్ని జరుపుకున్నారు. ఈ సందర్భంగా ఆయన తాజా చిత్రం ‘గేమ్‌ ఛేంజర్‌' నుంచి ‘జరగండి..’ అనే లిరికల్‌ సాంగ్‌ను విడుదల చేశారు. శంకర్‌ దర్శకత్వంలో శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ ఈ చిత్రాన్ని నిర్మిస్తున్నారు.
Game Changer | అగ్ర కథానాయకుడు రామ్‌చరణ్‌ బుధవారం తన జన్మదినోత్సవాన్ని జరుపుకున్నారు. ఈ సందర్భంగా ఆయన తాజా చిత్రం ‘గేమ్‌ ఛేంజర్‌’ నుంచి ‘జరగండి..’ అనే లిరికల్‌ సాంగ్‌ను విడుదల చేశారు. శంకర్‌ దర్శకత్వంలో శ్రీ వెంకటేశ్వర క్రియేషన్స్‌ పతాకంపై దిల్‌రాజు, శిరీష్‌ ఈ చిత్రాన్ని నిర్మిస్తున్నారు. పాన్‌ ఇండియా స్థాయిలో విడుదలకానుంది.
‘జరగండి జరగండి.. జాబిలమ్మ జాకెట్టేసుకొచ్చెనండి.. జరగండి జరగండి ప్యారడైజ్‌ పావడేసుకొచ్చెనండి..’ అంటూ చక్కటి సాహిత్యంతో ఈ పాట ఆకట్టుకునేలా ఉంది. తమన్‌ స్వరపరచిన ఈ గీతాన్ని అనంతశ్రీరామ్‌ రచించగా, దలేర్‌ మెహందీ, సునిధీ చౌహాన్‌ ఆలపించారు. ఈ పాటలో నాయకానాయికలు రామ్‌చరణ్‌, కియారా అద్వాణీ జోడీ చక్కటి కెమిస్ట్రీతో మెప్పించారు. దర్శకుడు శంకర్‌ తనదైన శైలి భారీ హంగులతో కన్నులపండువగా ఈ గీతాన్ని తెరకెక్కించాడు. ఉభయ తెలుగు రాష్ర్టాల్లోని 150 థియేటర్లలో ఈ పాటను ప్రదర్శించారు. ఈ చిత్రానికి కెమెరా: తిరుణావుక్కరసు, సంగీతం: తమన్‌, సంభాషణలు: సాయిమాధవ్‌ బుర్రా, ఆర్ట్‌: అవినాష్‌ కొల్లా, దర్శకత్వం: శంకర్‌.
అగ్ర హీరో రామ్‌చరణ్‌, ఉపాసన దంపతులు బుధవారం తిరుమల శ్రీవారిని దర్శించున్నారు. తన పుట్టిన రోజు సందర్భంగా రామ్‌చరణ్‌ దర్శనానికి వచ్చారు. కుమార్తె క్లీంకారతో కలిసి స్వామి వారి సుప్రభాత సేవలో పాల్గొన్నారు. దర్శనం అనంతరం రంగనాయకుల మండపంలో పండితులు వారికి ఆశీర్వచనం చేసి తీర్థప్రసాదాలు అందజేశారు.
Read Today's Latest Cinema News in Telugu and Telugu News
- Follow Us :
-
