Game Changer | రామ్ చ‌ర‌ణ్ ‘గేమ్‌ఛేంజర్’ వాయిదా.. క్లారిటీ ఇచ్చిన దిల్​రాజు.!

Game Changer | మెగా ప‌వ‌ర్ స్టార్ రామ్ చ‌ర‌ణ్ ఫ్యాన్స్‌తో పాటు పాన్ ఇండియా మూవీ లవర్స్‌ ఆసక్తిగా ఎదురుచూస్తున్న సినిమాల్లో గేమ్‌ఛేంజర్‌ (Game changer) ఒక‌టి. టాలీవుడ్​ స్టార్​ హీరో రామ్​ చరణ్ (Ram Charan)​​, త‌మిళ స్టార్ డైరెక్టర్ శంకర్ (Shankar) కాంబోలో ఈ సినిమా రానుండ‌టంతో మూవీపై భారీ అంచ‌నాలు ఉన్నాయి.

Game Changer | మెగా ప‌వ‌ర్ స్టార్ రామ్ చ‌ర‌ణ్ ఫ్యాన్స్‌తో పాటు పాన్ ఇండియా మూవీ లవర్స్‌ ఆసక్తిగా ఎదురుచూస్తున్న సినిమాల్లో గేమ్‌ఛేంజర్‌ (Game changer) ఒక‌టి. టాలీవుడ్​ స్టార్​ హీరో రామ్​ చరణ్ (Ram Charan)​​, త‌మిళ స్టార్ డైరెక్టర్ శంకర్ (Shankar) కాంబోలో ఈ సినిమా రానుండ‌టంతో మూవీపై భారీ అంచ‌నాలు ఉన్నాయి. పొలిటిక‌ల్ బ్యాక్‌డ్రాప్‌లో వ‌స్తున్న ఈ సినిమాను భారీ బ‌డ్జెట్‌తో శ్రీ వెంక‌టేశ్వర క్రియేష‌న్స్ బ్యాన‌ర్‌పై దిల్‌ రాజు తెర‌కెక్కిస్తున్నారు. అయితే ఈ సినిమాను 2024 క్రిస్మస్​కు రిలీజ్ చేస్తామని నిర్మాత దిల్​రాజు గతంలో ప్ర‌క‌టించిన విష‌యం తెలిసిందే. అయితే మళ్లీ ఈ సినిమా విడుదల పోస్ట్​పోన్ అయ్యిందని, 2025లో చిత్రం ప్రేక్షకుల ముందుకు రానుందని ప్రచారం సాగుతోంది. ఈ నేపథ్యంలో రిలీజ్ విషయంపై నిర్మాత దిల్​రాజు క్లారిటీ ఇచ్చారు.

గేమ్ ఛేంజర్​ రిలీజ్ వాయిదా అని వస్తున్న వార్తలు ఫేక్. అవి న‌మ్మ‌కండి. ముందు చెప్పిన‌ట్లుగానే ఈ సినిమాను క్రిస్మ‌స్ కానుక‌గా తీసుకురాబోతున్న‌ట్లు ప్ర‌క‌టించాడు. ఈ మూవీతో రామ్ చ‌ర‌ణ్‌తో పాటు, శంక‌ర్‌ల ఇమేజ్ మారిపోతుంద‌ని మూవీ బిగ్ స‌క్సెస్ అవ్వ‌బోతుందని దిల్ రాజు తెలిపాడు. పొలికల్‌, యాక్షన్‌ నేపథ్యంలో సాగే పవర్‌ఫుల్‌ కథాంశంతో ఇది ప్రేక్షకుల ముందుకు రాబోతుంద‌ని ఇది మెగా అభిమానుల‌కు ఒక ఫీస్ట్ లాంటిద‌ని దిల్ రాజు తెలిపాడు.

ఇక ఈ మూవీలో సునీల్, నవీన్‌ చంద్ర, శ్రీకాంత్‌, బాలీవుడ్ నటుడు హ్యారీ జోష్‌, కోలీవుడ్ యాక్లర్లు ఎస్‌జే సూర్య, స‌ముద్రఖని, కన్నడ నటుడు జ‌య‌రాయ్ ఇతర కీలక పాత్రల్లో నటిస్తున్నారు. ఈ చిత్రానికి పాపులర్ డైరెక్టర్‌ కార్తీక్ సుబ్బరాజు కథనందిస్తుండగా.. సాయిమాధ‌వ్ బుర్రా డైలాగ్స్ సమకూరుస్తున్నారు. తెలుగు, తమిళం, హిందీ భాషల్లో గ్రాండ్‌గా విడుదల కానున్న ఈ చిత్రానికి ఎస్‌ థమన్ మ్యూజిక్‌, బ్యాక్‌గ్రౌండ్ స్కోర్‌ అందిస్తున్నాడు.