అఘోర పాత్రలో విశ్వక్‌సేన్‌

విశ్వక్‌సేన్‌ హీరోగా విద్యాధర్‌ కాగిత దర్శకత్వంలో తెరకెక్కుతున్న అడ్వెంచర్‌ డ్రామా ‘గామి’. కార్తీక్‌ కుల్ట్‌ క్రియేషన్స్‌ పతాకంపై శబరీష్‌ నిర్మిస్తున్నారు.

విశ్వక్‌సేన్‌ హీరోగా విద్యాధర్‌ కాగిత దర్శకత్వంలో తెరకెక్కుతున్న అడ్వెంచర్‌ డ్రామా ‘గామి’. కార్తీక్‌ కుల్ట్‌ క్రియేషన్స్‌ పతాకంపై శబరీష్‌ నిర్మిస్తున్నారు. చాందిని చౌదరి కథానాయిక. ఫస్ట్‌లుక్‌ను ఆదివారం హైదరాబాద్‌లో విడుదల చేశారు.

ఈ పోస్టర్‌లో అఘోరా గెటప్‌లో విశ్వక్‌సేన్‌ లుక్‌ ఆశ్చర్యపరిచేలా ఉంది. చుట్టూ చాలా మంది అఘోరాలు ఆయన్ను తాకడానికి ప్రయత్నిస్తున్నట్లుగా ఉన్న ఈ పోస్టర్‌ భయకరంగా కనిపిస్తున్నది. విశ్వక్‌సేన్‌ ఈ చిత్రంలో శంకర్‌ అనే అఘోరాగా కనిపించనున్నారు. విడుదల తేదీని త్వరలో ప్రకటిస్తామని మేకర్స్‌ తెలిపారు. ఈ చిత్రానికి కెమెరా: విశ్వనాథ్‌రెడ్డి, సంగీతం: నరేశ్‌ కుమారన్‌, నిర్మాత: కార్తీక్‌ శబరీష్‌, దర్శకత్వం: విద్యాధర్‌ కాగిత.