Fighter Movie | బాలీవుడ్ స్టార్ హీరో హృతిక్ రోషన్ (Hrithik Roshan) నటించిన తాజా చిత్రం ఫైటర్ (Fighter). సిద్దార్థ్ ఆనంద్ దర్శకత్వంలో వచ్చిన ఈ చిత్రంలో దీపికా పదుకొనే (Deepika Padukone) కథనాయికగా నటించగా.. అనిల్ కపూర్ కీలక పాత్రల్లో నటించారు. ఈ చిత్రం రిపబ్లిక్ డే కానుకగా జనవరి 25నప్రేక్షకుల ముందుకు వచ్చి డిజాస్టర్గా నిలిచింది. ఇదిలావుంటే.. తాజాగా ఈ చిత్రం ఓటీటీ లాక్ చేసుకుంది.
ప్రముఖ ఓటీటీ దిగ్గజం నెట్ ఫ్లిక్స్ వేదికగా మార్చి 21 నుంచి అందుబాటులోకి రానుంది. ఈ విషయాన్ని నెట్ ఫ్లిక్స్ ఎక్స్ వేదికగా వెల్లడించింది. ఈ సినిమాలో హృతిక్ రోషన్ స్క్వాడ్రన్ లీడర్ షంషేర్ పఠానియా (పాటీ)గా కనిపించనుండగా.. స్క్వాడ్రన్ లీడర్ మిన్నిగా (దీపికా పదుకొనే).. గ్రూప్ కెప్టెన్ రాకేష్ జై సింగ్ పాత్రలో అనిల్ కపూర్ కనిపించనున్నాడు. ఈ మూవీని వయాకామ్ 18 స్టూడియోస్-మార్ఫ్లిక్స్ పిక్చర్స్ సంయుక్తంగా నిర్మించాయి.
Ladies and Gentlemen, FIGHTER is all set for landing!! ✈️🔥 🤩
Fighter is releasing tonight at 12am on Netflix! pic.twitter.com/KYqnb3hKFL— Netflix India (@NetflixIndia) March 20, 2024
ఈ సినిమా కథ విషయానికి వస్తే.. ఇండియన్ ఎయిర్ ఫోర్స్ లో సంషేర్ పఠానియా అలియాస్ పాటీ (హృతిక్ రోషన్) స్క్వాడ్రన్ లీడర్ గా పనిచేస్తుంటాడు. తనకు అప్పజెప్పిన బాధ్యతలను నిర్విఘ్నంగా నిర్వర్తించే క్రమంలో.. కొన్ని నియమ, నిబంధలను దాటి సాహసాలు చేస్తాడు. ఈ క్రమంలో జరిగిన ఓ ఘటనకు అతను బాధ్యుడని నింద పడుతుంది. అయితే రెండేళ్ల తర్వాత మళ్లీ ఓ ఆపరేషన్ కోసం శ్రీనగర్ వస్తాడు పాటీ. ఈ క్రమంలోనే పుల్వామాలో తీవ్రవాద దాడి తర్వాత ఇండియన్ ఎయిర్ ఫోర్స్.. పాకిస్తాన్లోని టెర్రరిస్ట్ క్యాంపుపై సర్జికల్ స్ట్రైక్ చేస్తుంది. అయితే అనుకోకుండా ఓ సుఖోయ్ యుద్ధ విమానం పాక్ ఆర్మీకి చిక్కుతుంది. దానిలో ఇద్దరు పైలెట్లు ఉంటారు. వాళ్లను ప్రాణాలతో వెనక్కి తీసుకు రావడం కోసం ఇండియన్ ఎయిర్ ఫోర్స్ ఏం చేసింది? పాటీ మళ్లీ రూల్స్ ను క్రాస్ చేశాడా ? అనేది తెలియాలంటే సినిమా చూడాల్సిందే.