Visit:
Nidhhi agerwal | గ్లామర్ డాల్ నిధి అగర్వాల్ ప్రస్తుతం టాలీవుడ్‌లో బిజీ షెడ్యూల్‌తో దూసుకుపోతోంది. ‘సవ్యసాచి’ సినిమాతో తెలుగు తెరకు పరిచయమైన నిధి, మొదట్లో వరుస అవకాశాలు అందుకున్నప్పటికీ పెద్దగా హిట్లు ద‌క్కించుకోలేపోయింది. అయితే, పూరి జగన్నాథ్ – రామ్ పోతినేని కాంబినేషన్‌లో వచ్చిన ఇస్మార్ట్ శంకర్ సినిమా నిధికి మంచి బ్రేక్ ఇచ్చింది. ఆ సినిమాలో తన గ్లామర్‌తో ప్రేక్షకులను ఆకట్టుకుంది. ఇస్మార్ట్ శంకర్ తర్వాత కొన్ని సినిమాలు చేసినా, వాటిలో ఏ చిత్రం కూడా నిధి కెరీర్‌కి పెద్దగా ఉప‌యోగ‌ప‌డ‌లేదు. అయితే ఇప్పుడు ఒకేసారి ఇద్దరు స్టార్ హీరోల సినిమాల్లో హీరోయిన్‌గా నటించే ఛాన్స్ కొట్టేసింది.
వాటిలో మొదటిది పవర్ స్టార్ పవన్ కల్యాణ్ నటిస్తున్న ‘హరిహర వీరమల్లు’. ఈ సినిమాలో నిధి చారిత్రాత్మక పాత్రకు కావలసిన విద్యల్ని నేర్చుకొని తన పాత్రలో ఒదిగిపోయింది. గుర్రపు స్వారీ, కత్తి యుద్ధం వంటి విన్యాసాల‌తో అద‌ర‌గొట్ట‌నుంది. ఇదే కాకుండా, మరో భారీ ప్రాజెక్ట్‌గా ప్రభాస్ – మారుతి కాంబినేషన్‌లో రూపొందుతున్న ‘రాజా సాబ్’ సినిమాలోనూ నిధి కథానాయికగా నటిస్తోంది. ఈ సినిమాలో ప్రభాస్ ద్విపాత్రాభినయంలో కనిపించనున్నట్టు సమాచారం. ఇటీవలే రిలీజ్ అయిన టీజర్‌కి మంచి రెస్పాన్స్ రావడంతో సినిమాపై అంచనాలు పెరిగిపోయాయి. మ‌రోవైపు వెంకటేష్ – త్రివిక్రమ్ కాంబినేషన్‌లో రూపొందనున్న చిత్రానికి కూడా నిధిని హీరోయిన్‌గా ఫైనల్ చేశారనే టాక్ ఫిలింనగర్‌లో వినిపిస్తోంది.
ఇక సినిమాల‌తో ఎంత బిజీగా ఉన్నా సోషల్ మీడియాలో యాక్టివ్‌గా ఉంటూ, తన ఫాలోవర్లతో తరచూ ముచ్చటిస్తూ ఉంటుంది నిధి అగర్వాల్ . ఇటీవల ఓ అభిమాని సరదాగా, ‘‘మీ అమ్మగారి నంబర్ ఇవ్వండి ప్లీజ్. మన పెళ్లి సంబంధం గురించి మాట్లాడతాను…’’ అని అడిగాడు. దీనికి నిధి నవ్వుతూ “అవునా? చిలిపి!” అంటూ సరదాగా స్పందించింది. నిధి రిప్లై ఇప్పుడు నెట్టింట వైర‌ల్‌గా మారింది. ఇక గ్లామర్, టాలెంట్‌, అటిట్యూడ్ అన్నింటినీ కలబోసుకుంటూ టాలీవుడ్‌లో తన స్థానాన్ని బలంగా చేసుకునే దిశగా నిధి అగర్వాల్ అడుగులు వేస్తోంది. స్టార్ హీరోలతో సినిమాలు చేస్తుండటంతో ఈసారి ఆమెకు అసలైన బ్రేక్ రానుందా? అనేది చూడాలి.
