నా కథలాగే అనిపించింది!

‘త్రివిక్రమ్‌గారు ఓ వేడుకలో మాట్లాడుతూ ‘మామూలు కథనే బలంగా చెప్పాలి. ఎలాంటి మలుపులు, రక్తపాతాలు లేకుండా ఆ కథ గొప్పగా ఉండాలి’ అని చెప్పారు. ఆ తరహా ప్రేమకథే ‘ఎపిక్‌” అన్నారు ఆనంద్‌ దేవరకొండ. ఆయన కథానాయకుడిగా నటించిన రొమాంటిక్‌ డ్రామా ‘ఎపిక్‌-ఫస్ట్‌ సెమిస్టర్‌' ఈ నెల 11న ప్రేక్షకుల ముందుకురానుంది.

‘త్రివిక్రమ్‌గారు ఓ వేడుకలో మాట్లాడుతూ ‘మామూలు కథనే బలంగా చెప్పాలి. ఎలాంటి మలుపులు, రక్తపాతాలు లేకుండా ఆ కథ గొప్పగా ఉండాలి’ అని చెప్పారు. ఆ తరహా ప్రేమకథే ‘ఎపిక్‌” అన్నారు ఆనంద్‌ దేవరకొండ. ఆయన కథానాయకుడిగా నటించిన రొమాంటిక్‌ డ్రామా ‘ఎపిక్‌-ఫస్ట్‌ సెమిస్టర్‌’ ఈ నెల 11న ప్రేక్షకుల ముందుకురానుంది. ఆదిత్యహాసన్‌ దర్శకుడు. ఈ సందర్భంగా బుధవారం ఆనంద్‌ దేవరకొండ విలేకరులతో ముచ్చటించారు.

• వనపర్తికి చెందిన ఓ యువకుడు తన పాషన్‌ను పక్కనబెట్టి తల్లిదండ్రుల కోసం విదేశాలను వెళ్తాడు. అక్కడ ఓ అమ్మాయిని ప్రేమించి..ఆమెతో లివ్‌ఇన్‌ రిలేషన్‌షిప్‌లో ఉంటే ఎలాంటి పరిస్థితులు ఎదురయ్యాయన్నదే కథలో మెయిన్‌ పాయింట్‌. విదేశాలకు వెళ్లిన వారికే కాకుండా, కుటుంబానికి దూరంగా ఉండే ప్రతీ ఒక్కరికి ఈ సినిమా కనెక్ట్‌ అవుతుంది. మధ్య తరగతి యువకుడి తాలూకు కుటుంబ బాధ్యతలు, ఉద్యోగం, ప్రేమ వంటి అంశాలను సహజత్వంతో ఆవిష్కరిస్తుంది.
• ఇందులో నా పాత్ర పేరు ఆదిత్య. తను చాలా అమాయకుడు. ప్రతీ విషయంలో కన్ఫ్యూజ్‌ అవుతుంటాడు. తనకు నచ్చింది చేయాలా? లేక తల్లిదండ్రులకు నచ్చినట్లు బ్రతకాలా? ప్రేమించిన అమ్మాయిని పెళ్లాడాలా? లేదా?..ఇలా అనేక ప్రశ్నలతో సతమతమవుతుంటాడు. ఈ సినిమాలో ప్రతీ సన్నివేశం నాటకీయతకు దూరంగా సహజంగా ఉంటూ ఓ అందమైన ప్రయాణంలా మెప్పిస్తుంది. నిజ జీవితంలో జరిగే కొన్ని సంఘటనలను మనం ఎదురుగా అద్దంలో చూసుకుంటే ఎలా ఉంటుందో ‘ఎపిక్‌’ అలాగే ఉంటుంది.
• నేను అమెరికాలో చదువుకొని వచ్చాను కాబట్టి..కథ విన్నప్పుడు ఆదిత్య పాత్రతో బాగా కనెక్ట్‌ అయ్యాను. ఇది నా కథలాగే ఉందనిపించింది. ఈ సినిమా 90స్‌ సిరీస్‌కు సీక్వెల్‌ కాదు. కానీ ఆ ప్రపంచం నుంచి, ఆ పాత్రల నుంచి పుట్టిన కథే. అయితే 90స్‌ తరహలోనే ఆరోగ్యకరమైన హాస్యం, భావోద్వేగాలతో సాగుతుంది. నా తదుపరి సినిమా ‘తక్షకుడు’ షూటింగ్‌ పూర్తయింది. అలాగే ఒక ఇండో-కొరియన్‌ మూవీ షూటింగ్‌ కూడా పూర్తి చేశాను.