Dunki | బాలీవుడ్ బాద్షా షారుఖ్ ఖాన్ (Shah Rukh Khan) నటిస్తున్న మోస్ట్ ప్రెస్టిజీయస్ ప్రాజెక్ట్ డంకీ (Dunki). మరోవైపు పాన్ ఇండియా స్టార్ ప్రభాస్ (Prabhas) టైటిల్ రోల్లో నటిస్తున్న చిత్రం సలార్. ఈ రెండు సినిమాలు క్రిస్మస్ కానుకగా డిసెంబర్ 22న విడుదల కానున్నాయి. అయితే ప్రభాస్ సలార్ (Salaar) రిలీజ్ నేపథ్యంలో డంకీ (Dunki) విడుదల వాయిదా వేయాలని షారుఖ్ఖాన్ టీం ప్లాన్ చేస్తున్నట్టు ఓ వార్త సోషల్ మీడియాలో ఉదయం నుంచి చక్కర్లు కొడుతుంది. ఇది చూసిన షారుఖ్ అభిమానులు ఈ వార్త నిజమేమో అని తెగ బాధపడ్డారు. అయితే ఈ రూమర్స్పై తాజాగా డంకీ టీం క్లారీటి ఇచ్చింది.
సోషల్ మీడియాలో డంకీ మూవీ విడుదల వాయిదా అని వస్తున్న వార్తలు నిజం కావని, ఇలాంటి ఫేక్ వార్తలు నమ్మవద్దని తెలిపింది. ముందు చెప్పినట్లుగానే క్రిస్మస్ కానుకగా డిసెంబర్ 22న డంకీ విడుదల అవుతుందంటూ ప్రముఖ ఇండియన్ మూవీ క్రిటిక్ తరణ్ ఆదర్శ్ ట్విట్టర్లో తెలిపారు. త్వరలోనే డంకీ టీజర్ రానున్నట్లు ప్రకటించారు. ఇక ఈ ఏడాది పఠాన్తో గ్రాండ్ రీఎంట్రీ ఇచ్చి తన స్టామినా ఏంటో చూపించాడు బాద్ షా. ఈ సారి మరోసారి జవాన్ సినిమాతో రూ.1000 కోట్లకుపైగా గ్రాస్ రాబట్టి టాక్ ఆఫ్ ది ఇండస్ట్రీగా నిలిచాడు.
SRK – ‘DUNKI’ NOT POSTPONED… Yes, #Dunki is arriving on #Christmas2023… #DunkiTeaser releasing soon! #SRK #RajkumarHirani pic.twitter.com/kDShzPoRTu
— taran adarsh (@taran_adarsh) October 13, 2023
రాజ్కుమార్ హిరాణి దర్శకత్వంలో తెరకెక్కుతున్న ‘డంకీ’ చిత్రంలో తాప్సీ హీరోయిన్గా నటిస్తోంది. ప్రశాంత్ నీల్ డైరెక్షన్లో తెరకెక్కుతున్న సలార్ రెండు పార్టులుగా రాబోతుండగా.. పార్టు 1 డిసెంబర్ 22న సందడి చేయనుంది.