నన్నెవరూ మార్చలేరు!
వైవిధ్యమైన ప్రేమకథలని వెండితెరపై ఆవిష్కరించడంలో దర్శకుడు తేజది ప్రత్యేకశైలి. కొంత విరామం తరువాత ఆయన దర్శకత్వంలో వస్తున్న చిత్రం ‘అహింస’. నిర్మాత సురేష్బాబు తనయుడు అభిరామ్ ఈ చిత్రం ద్వారా హీరోగా అరంగ్రేటం చేస్తున్నాడు.
వైవిధ్యమైన ప్రేమకథలని వెండితెరపై ఆవిష్కరించడంలో దర్శకుడు తేజది ప్రత్యేకశైలి. కొంత విరామం తరువాత ఆయన దర్శకత్వంలో వస్తున్న చిత్రం ‘అహింస’. నిర్మాత సురేష్బాబు తనయుడు అభిరామ్ ఈ చిత్రం ద్వారా హీరోగా అరంగ్రేటం చేస్తున్నాడు. రేపు ఈ సినిమా ప్రేక్షకుల ముందుకు రానుంది. ఈ సందర్భంగా దర్శకుడు తేజతో జరిపిన ఇంటర్వ్యూ ఇది.
- సినీ నేపథ్యం వున్న వారసుడిని హీరోగా పరిచయం చేస్తున్నప్పుడు మీపై ఎలాంటి ఒత్తిడి వుంటుంది?
సినీ నేపథ్యం వున్న కుటుంబంలోని వ్యక్తులతో సినిమా చేసినప్పుడు సహజంగానే అంచనాలు, పోలికలు వస్తుంటాయి. ప్రతీది భూతద్దంలో పెట్టి చూస్తారు. అభిరామ్ కొత్తగా వచ్చాడు. కొత్తవారిలో బెరుకు, భయాలు సహజంగా వుంటాయి. ఇక వారసత్వ హీరో కాబట్టి ఇంకాస్త ఎక్కువగా ఆసక్తి చూపుతారు. అయితే ఆల్రెడీ స్టార్స్ అయిన వెంకటేష్, రానాలతో పోలిక పెట్టి మాత్రం అభిని చూడకూడదు.
- సినీ నేపథ్య హీరో అనగానే ప్రేక్షకుల్లో అటెన్షన్ వుంటుంది కదా?
అలా ఏమీ వుండదు. ప్రేక్షకులు చాలా తెలివైన వారు. ట్రైలర్ చూసిన తరువాత సినిమాకి వెళ్ళాలా? వద్దా? అనేది డిసైడ్ అయిపోతారు. స్టార్ని బట్టి వెళితే అసలు పెద్దస్టార్స్కి అపజయాలే రాకూడదు కదా.. సినిమాలో ఎమోషన్ వుంటే ట్రైలర్లో కూడా ఆ ఎమోషన్ వుంటుంది. ప్రేక్షకులు ఆ ఎమోషన్కి కనెక్ట్ అయితే స్టార్ సినిమానా? కొత్తవారిదా? అనే తేడా లేకుండా వచ్చేస్తారు. ఎమోషన్ కనెక్ట్ అయితే ఎవరి సినిమా విజయాన్ని ఆపలేం.
- అభిరామ్ను హీరోగా పరిచయం చేయడానికి కారణం?
రామానాయుడు గారికి మాట ఇచ్చాను. ఆ మాట కోసమే చేశాను
- మీరు మొదట్నుంచీ కొత్తవారితోనే చేస్తున్నారు? ఇది ఒత్తిడిగా అనిపించడం లేదా? పెద్దస్టార్స్తో సినిమాలు చేయాలనే లెక్కలు వేసుకోరా?
పెద్దస్టార్స్తో ఎక్కువ డబ్బుల కోసం, ఎక్కువ పేరు కోసం చేయాలి. నేను డబ్బులు, పేరు అన్ని చూశాను. ఓ కెమెరామెన్ దగ్గర డబ్బులు ఇచ్చినా, ఇవ్వకపోయినా పనిచేసేవాడిని.ఫుట్పాత్ నుంచి వచ్చిన నాకు ఆయన బ్రేక్ ఇచ్చారు. నాలా చాలా మంది వున్నారు. చాలా ప్రతిభ వుండి కూడా సినీ రంగంలోకి ఎలా ప్రవేశించాలో వారికి తెలియదు. వాళ్లకి నేను బ్రేక్ ఇస్తాను. నన్నెవరూ మార్చలేరు. ఓ పెద్దస్టార్తో సినిమా తీసినా అందులో కొత్తవారిని పెడతాను.
- రానాతో చేయబోయే సినిమా ఎలా వుండబోతుంది?
రాక్షసరాజు అనే టైటిల్ అనుకుంటున్నా. పాలిటిక్స్, క్రైమ్ నేపథ్యంలో వుంటుంది. గాడ్ఫాదర్ తరహా సినిమా. ఆచంట గోపినాథ్ నిర్మాత. జూన్ 6న రామానాయుడు గారి పుట్టిన రోజున స్టార్ట్ చేద్దామని రానా చెప్పారు.
Read Today's Latest Cinema News in Telugu and Telugu News
RELATED ARTICLES
తాజా వార్తలు
Varanasi | వారణాసి నుంచి అదిరిపోయే అప్డేట్.. షూటింగ్ పూర్తి, త్వరలోనే రాజమౌళి భారీ సర్ప్రైజ్!
Motivational Story | పొలంలో ముల్లు గుచ్చుకుంటే ఆగలేదు.. అడవిలో పాములను చూసి ఎందుకు భయపడ్డాడు?.
Ant Story | ఓ చిన్న చీమ చెప్పిన గొప్ప జీవిత పాఠం.. ఖురాన్లో ప్రస్తావించిన అద్భుత కథ
Karthika Masam | కార్తిక మాసాన్ని హరిహర మాసం అని ఎందుకంటారు? దీపారాధన నుంచి తులసీ పూజ వరకు ప్రతి ఆచారం వెనుక ఉన్న రహస్యం ఇదే!
Bigg Boss 10 | హైపర్ ఆది పంచులతో హౌస్లో నవ్వుల సందడి.. శ్వేత ఎలిమినేట్,అమన్ ఎమోషనల్!
ట్రెండింగ్ వార్తలు
Odisha teacher 14 days in ditch | కొండచరియలు విరుగడంతో గుంతలో చిక్కుకున్న టీచర్.. 14 రోజుల తర్వాత గుర్తించిన కాపరి
Watch: బైకులతో సింహాన్ని అడ్డుకున్న అటవీ శాఖ సిబ్బంది.. తర్వాత ఏం జరిగిందంటే?
Snowfall | ద్రాస్ సెక్టార్లో మంచు అందాల కనువిందు.. Video
Newborn dies due to DJ Sound | డీజే శబ్దానికి గుండె ఆగి.. నవజాత శిశువు మృతి
Watch: ప్రెస్మీట్లో ఒక వ్యక్తిని ముద్దుపెట్టుకున్న బీజేపీ ఎమ్మెల్యే.. ఏఐ వీడియో అని ఆయన భార్య ఆరోపణ

