Visit:
Bakasura Restaurant | యువ దర్శకుడు ఎస్‌జే శివ దర్శకత్వంలో తెరకెక్కుతున్నతాజా చిత్రం ‘బకాసుర రెస్టారెంట్’. ఈ సినిమాలో నటుడు ప్రవీణ్‌ ప్రధాన పాత్ర పోషిస్తుండగా, వైవా హర్ష టైటిల్‌ రోల్‌లో నటిస్తున్నారు. కృష్ణభగవాన్‌, షైనింగ్‌ ఫణి, కేజీఎఫ్‌ గరుడరామ్‌ వంటి ప్రముఖ నటులు ఇతర ముఖ్య పాత్రల్లో కనిపించనున్నారు. లక్ష్మయ్య ఆచారి, జనార్థన్‌ ఆచారి ఎస్‌జే మూవీస్‌ పతాకంపై ఈ చిత్రాన్ని నిర్మిస్తున్నారు. ఇటీవ‌ల చిత్రీకరణ పూర్తి చేసుకుని విడుదలకు సిద్ధమైన ఈ హంగర్‌ కామెడీ ఎంటర్‌టైనర్‌ ట్రైలర్‌కు ఇప్పటికే మంచి స్పందన లభించింది. తాజాగా, ఈ చిత్రం నుంచి ‘అయ్యో ఏమీరా ఈ జీవితం’ అనే లిరికల్‌ వీడియో సాంగ్‌ను బ్లాక్‌బస్టర్‌ మాస్‌ దర్శకుడు హరీశ్‌ శంకర్‌ విడుదల చేశారు. వికాస బడిస సంగీతం అందించిన ఈ పాటను ప్రముఖ గాయకుడు రాహుల్‌ సిప్లిగంజ్‌ ఆలపించారు.
ఈ సందర్భంగా దర్శకుడు ఎస్‌జే శివ మాట్లాడుతూ.. ఇదొక యూత్‌ఫుల్‌ సాంగ్‌. రాహుల్‌ సిప్లిగంజ్‌ తన గానంతో ఈ పాటకు మరింత వన్నె తెచ్చారు. వికాస బడిస స్వరాలు ఆకట్టుకునే విధంగా ఉంటాయి. సినిమాలో ప్రతి సన్నివేశం ప్రేక్షకులకు థ్రిల్‌తో పాటు వినోదాన్ని కూడా పంచుతుంది. ఓ ఇన్నోవేటివ్‌ కాన్సెప్ట్‌తో రూపొందుతున్న ఈ చిత్రం తప్పకుండా అందరినీ అలరిస్తుందనే నమ్మకం ఉంది. అతి త్వరలో చిత్ర విడుదల తేదీని ప్రకటిస్తాం అని అన్నారు.
నటీనటులు: ప్రవీణ్‌, వైవా హర్ష, షైనింగ్‌ ఫణి (బమ్‌చిక్‌ బంటి), కేజీఎఫ్‌ గరుడ రామ్‌, కృష్ణభగవాన్‌, శ్రీకాంత్‌ అయ్యంగార్‌, ఉప్పెన జయకృష్ణ, వివేక్‌ దండు, అమర్‌, రామ్‌పటాస్‌, రమ్య ప్రియ, ప్రాచీ ఠాకూర్‌, జబర్థస్త్‌ అప్పారావు తదితరులు.
సాంకేతిక నిపుణులు:
డీఓపీ: బాల సరస్వతి
ఎడిటర్‌: మార్తండ్‌.కె.వెంకటేష్‌
సంగీతం: వికాస్‌ బడిస
ఎగ్జిక్యూటివ్‌ నిర్మాత: వినయ్‌ కొట్టి
ఆర్ట్‌ డైరెక్టర్‌: శ్రీ రాజా సీఆర్‌ తంగాల
పీఆర్‌ఓ: ఏలూరు శ్రీను, మడూరి మధు
నిర్మాతలు: లక్ష్మయ్య ఆచారి, జనార్థన్‌ ఆచారి
దర్శకత్వం: ఎస్‌జే శివ
Read More
