Chiru Odela | చిరుఓదెలా ప్రాజెక్ట్ ప్రారంభం అయ్యేది అప్పుడే : నాని

Chiru Odela | అగ్ర క‌థానాయ‌కుడు మెగాస్టార్ చిరంజీవి (Chiranjeevi)... ‘దసరా’ ఫేం శ్రీకాంత్‌ ఓదెల కాంబోలో ఒక సినిమా రాబోతున్న విష‌యం తెలిసిందే.

Chiru Odela | అగ్ర క‌థానాయ‌కుడు మెగాస్టార్ చిరంజీవి (Chiranjeevi) ‘దసరా’ ఫేం శ్రీకాంత్‌ ఓదెల కాంబోలో ఒక సినిమా రాబోతున్న విష‌యం తెలిసిందే. దీనికి నాని నిర్మాత‌గా వ్య‌వ‌హ‌రించ‌నున్నారు. ఈ ప్రాజెక్ట్‌పై అంచనాలు భారీగా ఉన్నాయి. చిరు రీ ఎంట్రీ ఇచ్చిన ద‌గ్గ‌రి నుంచి స‌రైన హిట్ ప‌డ‌క‌పోవ‌డంతో మెగా అభిమానులు ఈ సినిమా అయిన వారి ఆక‌లిని తీరుస్తుందా అని ఎదురుచూస్తున్నారు. చిరుఓదెల అంటూ రాబోతున్న ఈ ప్రాజెక్ట్‌కు సంబంధించి తాజాగా సాలిడ్ అప్‌డేట్‌ను పంచుకున్నాడు నాని.

నాని ప్ర‌ధాన పాత్ర‌ల్లో న‌టిస్తున్న తాజా చిత్రం హిట్ 3. బ్లాక్ బ‌స్ట‌ర్ ఫ్రాంచైజీ హిట్ నుంచి వ‌స్తున్న 3వ చిత్ర‌మిది. ఈ చిత్రంలో నాని క‌థానాయ‌కుడిగా న‌టించడంతో పాటు నిర్మాణ బాధ్యతలు చేపట్టాడు. శైలేశ్‌ కొలను దర్శకత్వంలో ఈ సినిమా రాబోతుండ‌గా.. మే 01న ఈ చిత్రం ప్రేక్ష‌కుల ముందుకు రానుంది. ఈ క్రమంలోనే మేకర్స్ ప్రమోషన్స్‌లో షురూ చేశారు. ఇందులో భాగంగానే తాజాగా ఒక ఇంట‌ర్వ్యూలో పాల్గోన్న నానిని చిరుఓదెలా ప్రాజెక్ట్ గురించి మీడియా అడుగ‌గా.. దీనిపై స్పందించాడు నాని..

చిరుఓదెలా ప్రాజెక్ట్ ప్యార‌డైజ్ సినిమా త‌ర్వాత స్టార్ట్ అవుతుంది. ప్యార‌డైజ్ అవ్వ‌గానే ఆ ప్రాజెక్ట్ మొద‌లుపెట్టి 2027లో ప్రేక్ష‌కుల ముందుకు తీసుకువస్తాం. ఈ చిత్రంలోని ప్ర‌తి అప్‌డేట్‌ని సినిమా స్టార్ట్ అయ్యాక ప్ర‌క‌టిస్తాం అంటూ నాని చెప్పుకోచ్చాడు. ఇక ప్యార‌డైజ్ కూడా త్వ‌ర‌లోనే షూటింగ్ ప్రారంభం కాబోతుంద‌ని వెల్ల‌డించాడు.