వింటేజ్‌ వరప్రసాద్‌

అగ్ర నటుడు చిరంజీవి మాస్‌, యాక్షన్‌ సినిమాలకు కాస్త బ్రేక్‌నిచ్చారు. తనదైన శైలి వింటేజ్‌ కామెడీతో ‘మన శంకరవరప్రసాద్‌ గారు’ చిత్రం ద్వారా ప్రేక్షకులకు కావాల్సినంత వినోదాన్ని పంచడానికి సిద్ధమవుతున్నారు. అనిల్‌ రావిపూడి దర్శకత్వంలో రూపొందుతున్న ఈ సినిమాపై ఇప్పటికే భారీ హైప్‌ నెలకొని ఉంది.

అగ్ర నటుడు చిరంజీవి మాస్‌, యాక్షన్‌ సినిమాలకు కాస్త బ్రేక్‌నిచ్చారు. తనదైన శైలి వింటేజ్‌ కామెడీతో ‘మన శంకరవరప్రసాద్‌ గారు’ చిత్రం ద్వారా ప్రేక్షకులకు కావాల్సినంత వినోదాన్ని పంచడానికి సిద్ధమవుతున్నారు. అనిల్‌ రావిపూడి దర్శకత్వంలో రూపొందుతున్న ఈ సినిమాపై ఇప్పటికే భారీ హైప్‌ నెలకొని ఉంది. వినాయక చవితి పర్వదినాన్ని పురస్కరించుకొని ఈ సినిమా నుంచి చిరంజీవి కొత్త పోస్టర్‌ను విడుదల చేశారు. ఇందులో ఆయన సంప్రదాయ పంచెకట్టులో మెరిసిపోతున్నారు.

ట్రెడిషనల్‌ టచ్‌తో పాటు చిరంజీవి తనదైన స్వాగ్‌తో ఆకర్షణీయంగా కనిపిస్తున్నారు. దర్శకుడు అనిల్‌ రావిపూడి తనదైన శైలి హాస్యం, ఫ్యామిలీ ఎలిమెంట్స్‌ కలబోతగా ఈ చిత్రాన్ని తెరకెక్కిస్తున్నారని, ఇందులో వింటేజ్‌ చిరంజీవిని చూడబోతున్నారని, బ్లాక్‌బస్టర్‌ హిట్‌ పక్కా అని మేకర్స్‌ ధీమా వ్యక్తం చేస్తున్నారు. ప్రస్తుతం చిత్రీకరణ దశలో ఉన్న ఈ సినిమా వచ్చే ఏడాది సంక్రాంతికి ప్రేక్షకుల ముందుకురానుంది. ఈ చిత్రానికి సంగీతం: భీమ్స్‌ సిసిరోలియో, నిర్మాణ సంస్థ: షైన్‌స్క్రీన్స్‌ అండ్‌ గోల్డ్‌బాక్స్‌ ఎంటర్‌టైన్‌మెంట్స్‌, నిర్మాతలు: సాహు గారపాటి, సుస్మిత కొణిదెల, రచన-దర్శకత్వం: అనిల్‌ రావిపూడి.