Surya Vashistta | త్రివిక్రమ్‌ గైడెన్స్ వల్లే బుట్టబొమ్మలో నటించా.. సూర్య వశిష్ట చిట్‌చాట్

అనిఖా సురేంద్రన్‌ టైటిల్‌ రోల్‌లో నటిస్తున్న చిత్రం బుట్టబొమ్మ (Butta Bomma). సూర్య వశిష్ట ,అర్జున్ దాస్‌ ప్రధాన పాత్రలు పోషిస్తున్నారు. ఈ మూవీ ఫిబ్రవరి 4న ప్రేక్షకుల ముందుకు రాబోతుంది. ఈ సందర్భంగా సూర్య వశిష్ట మీడియాతో చిట్ చాట్ చేశాడు.

అనిఖా సురేంద్రన్‌ టైటిల్‌ రోల్‌లో నటిస్తున్న చిత్రం బుట్టబొమ్మ (Butta Bomma). సూర్య వశిష్ట ,అర్జున్ దాస్‌ ప్రధాన పాత్రలు పోషిస్తున్నారు. శౌరి చంద్రశేఖర్‌ రమేశ్‌ (Shourie Chandrasekhar) దర్శకత్వం వహిస్తున్న ఈ మూవీ ఫిబ్రవరి 4న ప్రేక్షకుల ముందుకు రాబోతుంది. ఈ సందర్భంగా సూర్య వశిష్ట మీడియాతో చిట్ చాట్ చేశాడు. సినిమా విశేషాలు సూర్య వశిష్ట (Surya Vashistta) మాటల్లోనే..

ఫిలిం ఇండస్ట్రీకి ఎలా ఎంట్రీ ఇచ్చారు..?
రాఘవేంద్రరావు, త్రివిక్రమ్‌, రాజమౌళి డైరెక్ట్ చేసిన చాలా సినిమాలకు మా నాన్న (చనిపోయారు) కో డైరెక్టర్‌గా పనిచేశారు. నన్ను నటుడిలా చూడాలని అనుకునేవారు. నేను సాఫ్ట్‌వేర్‌ డెవలపర్‌గా పనిచేస్తున్న సమయంలో నాన్న నన్ను యూఎస్‌ నుంచి ఇండియా తిరిగి వచ్చేయమన్నారు. నాన్న ధృడ సంకల్పం, త్రివిక్రమ్‌ సార్ గైడెన్స్‌ తో బుట్టబొమ్మలో ఎంపికయ్యా.

బుట్టబొమ్మ గురించి..
ఒరిజినల్‌ వెర్షన్‌ కప్పెల మూవీకి బుట్టబొమ్మకు చాలా తేడా ఉంటుంది. ప్రత్యేకించి మురళికి సంబంధించిన సన్నివేశాల్లో ఎక్కువగా కనిపిస్తుంది. బుట్టబొమ్మ పూర్తిగా ఫ్రెష్‌ ఫీల్ అందించేలా సాగుతుంది. సెకండ్‌ హాఫ్‌లో మాత్రం కొన్ని సారుప్యతలు కనిపిస్తాయి.

ఈ రీమేక్‌ను ప్రేక్షకులు చూస్తారనుకుంటున్నారా..?
ఒరిజినల్ వెర్షన్‌ను చాలా మంది చూసినప్పటికీ, బుట్టబొమ్మ అందరికీ చెప్పాల్సిన చాలా ముఖ్యమైన కథ అని నా భావన. కేరళ కన్నా ఎక్కువగా తెలుగు రాష్ట్రాల్లో ఎక్కువ మందిని ఆకట్టుకుంటుంది. మన నేటివిటీకి తగ్గట్టుగా కథలో మార్పులు చేయడం జరిగింది. ప్రేక్షకులు ఖచ్చితంగా బుట్టబొమ్మను ఇష్టపడతారు.

అనిఖా, అర్జున్‌తో పనిచేయడం ఎలా ఉంది..?
ఇద్దరితో పనిచేయడం చాలా సరదాగా అనిపించింది. అనిఖా సురేంద్రన్‌ టాలీవుడ్‌కు కొత్త. అందుకే డైలాగ్స్‌ విషయంలో ఆమెకు సాయం చేశా. ఆమె స్వీట్ హార్ట్‌ మాత్రమే కాదు మంచి కోస్టార్‌. అర్జున్‌ సౌత్‌లో మంచి స్టార్ యాక్టర్‌. యాక్షన్‌ సన్నివేశాల్లో నన్ను గైడ్‌ చేశారు.

డైరెక్టర్ రమేశ్ గురించి..
మా దర్శకుడు రమేశ్‌తో పనిచేయడం సవాలుతో కూడుకున్నది. మా నుంచి ఏం కావాలో అది రాబట్టుకునే వరకు విశ్రాంతి తీసుకోరు. టాలీవుడ్‌లో ఆయనకు గొప్ప భవిష్యత్‌ ఉంది.

మీ కొత్త సినిమాల మాటేంటి..?
నేను 6-7 కథలు విన్నాను. కానీ ఏ ఒక్కటి ఇంకా ఒకే చేయలేదు. యాక్షన్ ఓరియెంటెడ్ సినిమాలు చేయడమంటే ఇష్టం. ఆ పాత్రల్లో నేను బాగా సూట్‌ అవుతా. ఏదైనా కొత్త ప్రాజెక్ట్‌కు సంతకం చేస్తే మీ అందరికీ అప్‌డేట్ ఇస్తా.