Brahmastra On OTT | బాలీవుడ్ కపుల్ రణ్బీర్, అలియా ప్రధాన పాత్రలో నటించిన లేటెస్ట్ చిత్రం ‘బ్రహ్మస్త్ర’. ఆయాన్ ముఖర్జీ దర్శకత్వం వహించిన ఈ చిత్రం తెలుగులో ‘బ్రహ్మస్త్రం’ పేరుతో రాజమౌళి రిలీజ్ చేశాడు. భారీ అంచనాల నడుమ సెప్టెంబర్ 9న రిలీజైన ఈ చిత్రం సంచలన విజయం సాధించింది. చాలా కాలం తర్వాత బాలీవుడ్ బాక్సాఫీస్ కళకళలాడింది. నాగార్జున కీలకపాత్రలో నటించిన ఈ చిత్రం తెలుగులో రెండు రోజుల్లోనే బ్రేక్ ఈవెన్ పూర్తి చేసుకుని డబుల్ బ్లాక్బస్టర్గా నిలిచింది. ఫైనల్గా ఈ చిత్రం దాదాపు రూ.400 కోట్ల వరకు వసూళ్ళను సాధించింది. కాగా ఈ సినిమా ఎప్పుడెప్పుడు ఓటీటీలోకి వస్తుందా అని ప్రేక్షకులు ఎంతగానో ఎదురు చూస్తున్నారు.
ఈ చిత్రం గత రాత్రి నుండి ప్రముఖ ఓటీటీ సంస్థ డిస్నీ+హాట్స్టార్లో స్ట్రీమింగ్ అవుతుంది. హిందీతో పాటు అన్ని భాషల్లోనూ ఈ చిత్రం అందుబాటులో ఉంది. మైథలాజికల్ అడ్వెంచరస్ డ్రామాగా తెరకెక్కిన ఈ చిత్రం మూడు భాగాలుగా రూపొందనుంది. అందులో మొదటి భాగం ‘శివ’ పేరుతో రిలీజైంది. బిగ్బీ అమితాబ్ బచ్చన్ కీలకపాత్రలో నటించిన ఈ సినిమాలో మౌనీరాయ్ విలన్ పాత్రలో నటించింది. ఫాక్స్ స్టార్ స్టూడియోస్, ధర్మ ప్రొడక్షన్స్, ప్రైమ్ ఫోకస్, స్టార్ లైట్ పిక్చర్స్ సంస్థలు సంయుక్తంగా ఈ చిత్రాన్ని నిర్మించాయి.