బ్ర‌హ్మీని స‌మంత కాపీ కొట్టిందా? ఇది దుర్మార్గం అంటూ బ్ర‌హ్మానందం రియాక్ష‌న్‌

December 25, 2021 / 06:10 PM IST

Brahmanandam reaction on Samantha Item song | పుష్ప సినిమాలో ఊ అంటావా మావా.. ఊఊ అంటావా మావా అంటూ స‌మంత చేసిన ఐటెం సాంగ్ ఎంత ట్రెండ్ అయ్యిందో ప్ర‌త్యేకంగా చెప్ప‌క్క‌ర్లేదు. స‌మంత త‌న కెరీర్‌లో తొలిసారిగా చేసిన ఐటెం సాంగ్ కావ‌డంతో ఈ పాట వినేందుకు ఫ్యాన్స్ ఆస‌క్తిగా ఎదురుచూశారు. కానీ ఈ సాంగ్ రిలీజ‌య్యాక‌.. ఇందులోని లిరిక్స్ పురుషుల‌ను కించ‌ప‌రిచేలా ఉందంటూ వివాదాలు కూడా చుట్టుముట్టాయి. అంతేకాదు ఈ సాంగ్‌పై సోష‌ల్ మీడియాలో మీమ్స్ కూడా తెగ వైర‌ల్ అయ్యాయి.

ఒక‌వైపు యూట్యూబ్‌లో ఈ సాంగ్ సెన్సేష‌న్ క్రియేట్ చేస్తుంటే.. మ‌రోవైపు సోష‌ల్ మీడియాలో పేర‌డీ పాట‌లు, మీమ్స్ కూడా తెగ వైర‌ల్‌గా మారాయి. ఈ పాట‌కు ఊ అంటావా పాప‌.. ఊఊ అంటావా పాపా అంటూ మేల్ వ‌ర్ష‌న్ సాంగ్‌తో పాటు ప‌లు వ‌ర్ష‌న్ల‌లో పేర‌డీ పాట‌లు వ‌చ్చేశాయి. ఇవే కాకుండా ఈ పాట‌లో స‌మంత వేసిన స్టెప్పుల‌పై మీమ్స్ కూడా తెగ వైర‌ల్‌గా మారాయి. ముఖ్యంగా స‌మంత వేసిన ఒక స్టెప్పు.. బ్ర‌హ్మ‌నందం గ‌తంలో పెట్టిన ఒక ఫోజుకు ద‌గ్గ‌ర‌గా ఉంటుంది. దీంతో మా బ్ర‌హ్మానందం స్టైల్‌ను కాపీ కొట్ట‌కండి సామ్ అంటూ ఒక మీమ్ క్రియేట్ చేశారు. ఇది సోష‌ల్ మీడియాలో తెగ వైర‌ల్‌గా మారింది. ఇది చూసిన బ్ర‌హ్మానందం ఈ మీమ్‌పై స్పందించారు. నేను ఎప్పుడు పాతికేండ్ల క్రితం అలా అన్నాను.. ఇప్పుడు దాన్ని స‌మంత కాపీ కొట్టింద‌న‌డం ఎంత దుర్మార్గం అని అన్నారు.

లోక‌ల్ టు గ్లోబ‌ల్ వార్త‌ల కోసం.. న‌మ‌స్తే తెలంగాణ ఫేస్‌బుక్‌, ట్విట‌ర్ పేజీల‌ను ఫాలో అవ్వండి